Kompania ndërtimore “Apis Kor” ka shfrytëzuar teknologjinë e saj bashkëkohore për ndërtimin e ndërtesës më të lartë në botë në variantin 3D, zyrat dykatëshe në Dubai.

“Apis Kor” ka bërë rekonstruktimin prej 9.5 metrave lartësi në një sipërfaqe prej 640 metra katrorë. Në anën tjetër zyrtarë të kompanisë pretendojnë se është ndërtimi më i lartë që ndonjëherë është realizuar me teknologjinë 3D, transmeton Telegrafi.

Kompania ka bërë materialin duke u bazuar në allçi që kalon përmes një printeri të veçantë 3D, që e prodhon një kompani vendore e specializuar në materiale për ndërtimtari.

Printimi është zhvilluar në një ambient të hapur, me qëllim që të dëshmohet se kjo teknologji mund të kryej edhe punët më të vështira pavarësisht kushteve klimatike.

Makineria për printim 3D “Apis Kora” është nxjerr nga zyrat dhe dërguar në vendin ku po kryheshin punimet, me qëllim që të mund të realizohen pjesë të ndryshme të objektit.

Objekti është vendosur në themelet konvencionale, dhe është shtypur në versionin 3D e përforcuar me beton dhe armaturë. /Telegrafi/