Chelsea dhe Atletico Madrid kanë arritur marrëveshje për Joao Felix, duke e zhbllokuar edhe marrëveshjen e Conor Gallagher. 24-vjeçari mbërriti në Atletico Madrid si nënshkrimi i tyre rekord në vitin 2019, pesë vjet më parë, pasi u ble nga Benfica për 127 milionë euro. Los Colchoneros do të marrin më pak se gjysmën e asaj kur të përfundojë transferimin e tij te Chelsea, ku ai do të nënshkruajë një marrëveshje gjashtëvjeçare me një opsion për të shtatin vit.
Ai do të ulë pagën e tij për të ndihmuar gjithashtu marrëveshjen.
Sipas AS , marrëveshja do t'i kushtojë Chelseas 50 milionë euro, me 10 milionë euro të tjera në bonuse, duke e bërë tarifën totale të mundshme rreth 60 milionë euro.
Felix pritet të udhëtojë për në Londër të martën për t'iu nënshtruar një ekzaminimi mjekësor dhe për të përfunduar lëvizjen.
Ndërkohë Conor Gallagher do të udhëtojë drejt Madridit po ashtu të martën, për herë të dytë.
Për më tepër, pas një viti dërrmues në Barcelonë, fitimi i të paktën 50 milionë eurove për një sulmues që nuk ka shënuar kurrë më shumë se tetë gola në La Liga në një sezon mund të konsiderohet një negocim i mirë. /Telegrafi/
