Gjykata Themelore e Mitrovicës, të hënën, i ka shpallur fajtorë dy zyrtarët e Komunës së Skenderaj, Halim Gecaj dhe Luzlim Kadriu, për keqpërdorim të pozitës zyrtare dhe atyre iu ka shqiptuar dënim me nga gjashtë muaj burgim.
Nga akuza janë liruar tre të pandehurit e tjerë, Hetem Sejdija, Valentina Jashari dhe Nuradin Hasani.
Në shpalljen e aktgjykimit, gjykatësi Beqri Halili, i njoftoi tashmë të dënuarit, Gecaj dhe Kadriu se dënimin me burgim mund ta zëvendësojnë me gjobë në vlerën e përcaktuar prej 1.800 euro.
Në lidhje me këtë, i akuzuari Halim Gecaj, u pajtua që dënimi me burgim t’i zëvendësohet me gjobë, të cilën duhet ta paguaj brenda tre muajsh.
Ndërsa, i akuzuari Lulzim Kadriu, nuk pranoi që dënimi me burgim t’i zëvendësohet me gjobë, me çka pritet të shkojë në vuajtje të dënimit, pasi tha se nuk ka para për ta paguar dënimin e shqiptuar.
Sipas gjykatësit Beqir Halili, të akuzuarit Hetem Sejdija, Valentina Jashari dhe Nuradin Hasani janë shpallur të pafajshëm, ngase sipas tij, nuk është konstatuar se ka pasur dashje gjatë kryerjes së detyrave në komisionin për hapjen e ofertave, në lidhje me dhënien e pronave komunale në shfrytëzim.
Në seancat e kaluara të akuzuarit Sejdijaj, Jashari e Hasani ishin deklaruar se bazuar në vendimin e Kuvendit Komunal, e kanë pasur për detyrë vetëm hapjen e ofertave dhe jo vlerësimin e tyre.
Në seancën e 6 shtatorit të këtij viti, i akuzuari Halim Gecaj, ish-drejtor për Gjeodezi, Kadastër dhe Pronë, kishte thënë se nuk e ka ditur që ligji e ndalon dhënien në shfrytëzim të pronave komunale pa një vendim të Kuvendit Komunal.
Njëjtë ishte deklaruar edhe i akuzuari tjetër në këtë rast, drejtori aktual për Gjeodezi, Kadastër dhe Pronë, në këtë komunë, Lulzim Kadriu, i cili ka thënë se në kohën kur këto lokale afariste janë dhënë në shfrytëzim, nuk e ka ditur se ka qenë në fuqi ligji 04/L-144, duke cekur se dhënien e lokaleve afariste në shfrytëzim e kishte bërë duke zbatuar Ligjin mbi Financat e Pushtetit Lokal, rregulloren e brendshme të Komunës nr.01/110-83 si dhe rregulloren për taksat, tarifat dhe gjobë.
Pesë të akuzuarit, në seancat e kaluara nuk kishin pranuar fajësinë për veprën penale me të cilën i ka ngarkuar Prokuroria Themelore e Mitrovicës, duke u deklaruar të pafajshëm.
Ndryshe, sipas aktakuzës së Prokurorisë Themelore të Mitrovicës, se nga 17 nëntor 2010 e deri më 08 korrik 2013, i pandehuri Halim Gecaj akuzohet se në cilësinë e drejtorit për Gjeodezi, Kadastër dhe Pronë në Komunën e Skenderajt ka tejkaluar kompetencat e tij me qëllim që tjetrit t’i sjellë dobi pasurore. Këtë e kishte bërë në atë mënyrë që në kundërshtim me ligjet u kishte dhënë në shfrytëzim personave pronat e Komunës, pa miratimin e Kuvendit Komunal. I pandehuri në këtë mënyrë kishte dhënë në shfrytëzim plot 37 prona.
Kurse, Lulzim Kadriu, në cilësinë e drejtorit për Gjeodezi, Kadastër dhe Pronë në Komunën e Skenderajt, akuzohej se nga 31 mars 2014 deri më 15 shkurt 2015, kishte dhënë me qira katër lokale pa miratimin e Kuvendit Komunal.
Në këtë rast për lidhje të kontratës mbi qiramarrje, ka qenë i akuzuar edhe Feriz Zeqiri, por ndaj tij ka pushuar procedura penale, pasi që i njëjti ka ndërruar jetë.
Kjo aktakuzë i ngarkon edhe Hetem Sejdiaj, Valentina Jashari dhe Nuradin Hasani, të tre këta anëtarë të komisionit për hapjen dhe vlerësimin e ofertave për dhënien e tokës në shfrytëzim dhe ndërtim për menaxhimin e tregut të gjelbër në Skenderaj. Sipas aktakuzës, anëtarët e komisionit e kanë kualifikuar për procedurë seleksionimi kompaninë NTSH “Doni Comerc”, edhe pse ky i fundit nuk i kishte plotësuar kriteret e kërkuara ligjore.
Vepra penale “keqpërdorim i pozitës apo autoritetit zyrtar”, nga neni 422 të KPRK-së dënohet me burgim prej gjashtë (6) muaj deri në pesë (5) vjet.
Promo
Reklamo këtuLufta Prigozhin - Putin
Më shumëNga Rubrika
Gjendja shëndetësore e 20-vjeçarit që u ther me thikë në Ferizaj është stabile
Von Cramon: Nëse Kosova e Serbia përfitojnë më shumë nga moszbatimi i marrëveshjeve, vështirë të bëhet diçka në Bruksel
Dita e dytë e fushatës për zgjedhjet kuvendare, politikanët kërkojnë vota edhe në diasporë
Serwer tregon se pse Serbia i frikësohet anëtarësimit të Kosovës në Këshillin e Evropës
Von Cramon: Nëse Kosova e Serbia përfitojnë më shumë nga moszbatimi i marrëveshjeve, vështirë të bëhet diçka në Bruksel
Arrestimet e qytetarëve të Kosovës në kufi, analistët në Beograd: Serbia ka prekur fundin moral e politik
Një muaj paraburgim për shqiptarin nga Kosova të arrestuar në Serbi
Kosovari i arrestuar në kufi, Serbia pretendon se ishte pjesë e luftës, mohon OVL-UÇK
“Të ngrehi zhag”, deklarata e bashkëshortes së Riza Muratit, e cila e ka denoncuar kapitenin e policisë për dhunë
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
‘Hakmarrja’ e Izraelit ndaj Iranit - gjithçka që ndodhi në ditën kritike
Serwer tregon se pse Serbia i frikësohet anëtarësimit të Kosovës në Këshillin e Evropës
Barcelona po nënshkruan mega-kontratë, ajo do t'i sjellë klubit mbi një miliard euro
Treni në Japoni u nis me 17 minuta vonesë: Kur pasagjerët dëgjuan arsyen, askush nuk u zemërua
Pas ‘hakmarrjes’ së Izraelit ndaj Iranit, reagon shefi i NATO-s
Von Cramon: Nëse Kosova e Serbia përfitojnë më shumë nga moszbatimi i marrëveshjeve, vështirë të bëhet diçka në Bruksel