Dy shenja që tregojnë se po i mbingarkoni bimët me ujë

Duke u dhënë bimëve tuaja më shumë ujë sa herë që ato duken paksa të veruara është ndoshta duke u bërë atyre më shumë dëm sesa dobi.

Të vendosura në saksi, është shumë e lehtë që bimët të mbyten në shumë ujë. Sipas Maryah Greene, mbingopja e bimëve është një problem shumë i zakonshëm.

“Ujitja e tepruar – është arsyeja numër një që njerëzit ‘mbysin’ bimët e tyre”, thotë Greene, teksa tregon se ka dy shenja të mëdha se po mbingarkoni bimët me ujë.

Një nga më të zakonshmet është mushkonja e kërpudhave. “Nëse filloni të shihni ato miza lundruese vërtet të bezdisshme përreth bimëve tuaja, kjo është një shenjë treguese se jeni duke ujitur më shumë se sa është e nevojshme”, thotë ajo.

Lexo po ashtu Çlirohuni nga mushkonjat e bezdisshme në bimët tuaja shtëpiake me këto truqe super të thjeshta

Shenja e dytë e madhe që jeni duke ujitur bimët tuaja janë ndryshimet në gjethet tuaja. “Shenja të tjera të zakonshme janë gjethet kafe dhe të buta ose gjethet që janë vërtet të varura dhe duket se po bien majtas dhe djathtas me njolla kafe”, thotë Greene.

Të gjitha këto shenja tregojnë për kalbjen e rrënjëve, një gjendje ku rrënjët tuaja bëhen të dobëta dhe nuk janë në gjendje të thithin lëndët ushqyese që u duhen bimëve tuaja dhe janë të prirura për rritje të kërpudhave. /Telegrafi/