Dy mënyra për t’i zhvilluar aftësitë artistike të fëmijëve, sipas shkencës

Nëse dëshironi ta rritni një fëmijë kreativ, ju duhet ta mësoni atë të mendoj në mënyrë të pavarur

Adam Grant, mësues në Wharton School of Business, baba i tre fëmijëve dhe autor i një libri psikologjik, tregon për tri parimet bazike që secili prind duhet t’i ndjekë nëse dëshiron që fëmija i tyre të jetë kreativ dhe i talentuar, transmeton Telegrafi.

Lavdërojeni fëmijën, jo veprimet e tij/saj

Kur djali apo vajza pikturon diçka, mos i thoni “Uau, çfarë pikture e mirë”, por thoni “Uau, me të vërtetë që jeni i talentuar!”

Kjo do t’i ndihmoj atij/asaj të kuptoj që ka talent dhe është unik, dhe do të punoj për t’i përmirësuar aftësitë e veta.

Asnjëherë mos vendosni rregulla të tepërta

Para disa viteve, hulumtuesit nga kolegji i Bostonit kishin kryer një studim ku i kishin krahasuar familjet e fëmijëve të talentuar artistikisht dhe familjet e fëmijëve mesatar.

Ata kishin zbuluar që prindërit e fëmijëve mesatarë kishin pasur një mesatare prej gjashtë rregullave që ia kishin vendosur fëmijëve të tyre (koha për të shkuar në shtrat, koha për t’i bërë detyrat e shtëpisë etj.), ndërsa rregullat mesatare të familjeve të fëmijëve të talentuar kishin qenë më pak se një.

Nëse i kufizoni fëmijët me shumë rregulla, ata do të kenë problem të zgjidhin problemet e veta në të ardhmen. Ata do të kërkojnë metoda dhe zgjidhje nga të tjerët, në vend se ta mendojnë vet alternativën. /Telegrafi/