Dy gola në ndeshje dhe gjest i madh ndaj gjyqtarit që doli në pension, Haaland vazhdon të mahnitë në Gjermani
Erling Haaland ishte në formën më të mirë në ndeshjen e fundit të sezonit të Borussia Dortmund ndaj Bayer Leverkusen, ku fituan 3-1.
As kjo ndeshje nuk kaloi pa golat e Haaland që shënoi dy herë.
Haaland e përfundon sezonin me 41 gola në 41 ndeshje, një edicion i shkëlqyeshëm për norvegjezin e ri.
Pas një paraqitjeje të bukur, Haaland tregoi klasin e tij edhe pas fishkëllimës së fundit.
Gjyqtari i ndeshjes, Manuel Grafe, që ka gjykuar në Bundesliga për 17 vjet, u pensionua pas takimit.
Ndeshja mes Dortmund dhe Leverkusen do të jetë ndeshja e tij e fundit ndonjëherë si gjyqtar i nivelit të parë të Gjermanisë, edhe pse ka shumë zëra që rregulli mund të ndryshojë.
https://twitter.com/GrimandiTweetss/status/1396128800912646144
Haaland tregoi respekt për Grafe duke ndërruar fanellat pas ndeshjes. Ai pastaj u fotografua me Grafe dhe zyrtarët e tjerë të takimit.
Një gjest i shkëlqyer nga një lojtar i ri.
Grafe është një nga gjyqtarët më të mirë të kampionatit, por rregullat e tanishme nënkuptojnë që ai nuk mund të gjykojë më në Bundesligë.
Ai mbushi 47 shtatorin e kaluar. Bundesliga thotë se zyrtarët e ndeshjeve nuk mund të jenë mbi moshën 47 vjeç, një rregull që nuk pëlqehet shumë. /Telegrafi/
Promo
Reklamo këtuLufta Prigozhin - Putin
Më shumëShitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Krijo hapësirën tënde të biznesit – zyre me qira te 4 Llulat – 300€/muaj ID-252
Ofertë e veçantë – vila në Brezovicë ofrohet me zbritje ID-246
Një jetë e re fillon këtu – banesa e gatshme 2+1 në rrugën ‘Gazmend Zajmi’ ID-251