Nga: Beqir Sina
Unë jam pak a shumë si Jezu Krishti. U linda dhe u rrita në një barakë larg syve të njerëzve, i përndjekur qysh në bark të nënës. Njëlloj si prindërit e Jezusit, edhe prindërit e mi u detyruan të ikin nga vendlindja për të shpëtuar jetën e tyre dhe timen. Babai u arratis, nëna u internua.
Jetova 33 vjet në Ferrin e Savrës, dhe thuajse po aq në lirinë e Amerikës. Gjysma e parë e jetës time iku baltrave dhe moçaleve. Kur erdhi dita që vuajtjet e mia mbaruan, unë kisha moshën e Jezusit. Natyrisht, nuk isha i rëndësishëm si Krishti, por ashtu si ai, kërkova dinjitet, drejtësi dhe liri për veten e për familjen, ndërkohë që barabajtë e diktaturës dhe profetët e rremë bënin kërdinë në Shqipëri.
E nisa jetën në kampin e internimit të Savrës në Lushnjë, mu në mesin e viteve të komunizmit shqiptar. Barakat atje fusnin acarin e dimrit dhe zhegun e verës, fëmijët zhgjyheshin në lluce, pleqtë ishin të drobitur dhe nënat me sy të lodhur. Kjo ishte vetëm një pjesë e shkretimit të përgjithshëm që solli ai sistem i pamëshirshëm. Kujtesa ime është e ngarkuar me ngjarje, që rrojnë me mua prej shumë dekadash.
Ndonjë episod edhe do ta harroja më vonë, por nuk do të më hiqeshin nga mendja kurrë njerëzit, që jetuan bashkë me mua aty. Ekzistenca jonë në Saver ishte një anomali e thellë. Jetonim si në një koloni, larg njerëzve që e quanin veten normalë e që ne na quanin anormalë. Më shumë se sa për veten, më vinte keq për familjen time. Kur shikon të vuajë dikë që ti e do me shpirt, kjo të mëson shumë në jetë. Por, kur ti nuk bën dot më tepër për t’ia lehtësuar mundimet, kjo të dëshpëron.
Sot, kur hedh vështrimin prapa dhe kujtoj ato kohë, habitem se çfarë ligësie është e aftë të pjellë qenia njerëzore. Me këtë libër dua t’u them më të rinjve që të mos humbin drejtim dhe kurrë të mos e harrojnë vlerën e lirisë.
Pasi emigrova në Amerikë jeta ime ndryshoi rrënjësisht dhe unë u shndërrova nga rob i diktaturës në rob i lirisë. Atje takova presidentë e kongresmenë, por mbi të gjitha njoha shumë njerëz patriotë e të mençur dhe kuptova se thelbi i Amerikës është që njeriu të jetojë si njeri. Kjo është e thjeshtë të thuhet, por e vështirë të realizohet. Amerika, – ka thënë Dwight Eisenhower – mund të përshkruhet më së miri me një fjalë të vetme dhe ajo fjalë është liria.
Liria është si ajo dritarja e hapur, përmes së cilës hyn drita e diellit, që përfaqëson shpirtin dhe dinjitetin njerëzor.
Kjo dritare nuk duhet të mbyllet kurrë, por për këtë duhet luftuar. Çështja është, a luftojmë sa duhet?
Lufta Prigozhin - Putin
Më shumëParaqitja e tmerrshme e Mbretëreshës së ndjerë flet për fundin e epokës së statujave
INTIME
“Liria e së nesërmes”: A e njeh ky njeri rrugën e paqes mes Izraelit dhe Palestinës?
Karnavalet, origjina dhe domethënia
Harta e shteteve të Evropës, gjatë 2400 vjetëve
Fillimet romantike të Naim Frashërit dhe novela “Katër stinët”
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
John Terry zbulon historinë e patreguar se si ai udhëhoqi kryengritjen te Chelsea ndaj një trajneri
"Vuçiq e mendonte Slloveninë Eldorado serbe, kurse diplomatët e saj vegla të tij", ish-diplomatë serbë flasin për skandalin e fundit të Vuçiqit
Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
Pasuria e guvernatorit të BQK-së, drejtorit ATK-së dhe drejtorit të Doganës
“Veç me ia ba një vendbanim në gjykatë”, ish-zyrtari i Komunës së Prishtinës del para gjykatës me 24 aktakuza për korrupsion
Klopp e donte lojtarin që sot luan për Liverpoolin, por bordi kërkonte një tjetër - si nisi mosmarrëveshja mes tyre