Nga sot deri ditën e enjte në Helsinki të Finlandës, udhëheqësi i OBRM-PDUKM-së, Hristijan Mickoski, nënkryetari Aleksandar Nikollovski, sekretari i partisë ndërkombëtare Vlladimir Gjorçev dhe këshilltari i politikës së jashtme Timço Mucunski do të marrin pjesë në Samitin e Partisë Popullore Evropiane, përcjell Telegrafi Maqedoni.

Në të njëjtën kohë, në të njëjtin vend njofton “1 Tv” se PPE ka ftuar edhe përfaqësuesit e krahut reformist të partisë Peter Bogojevskin, Kostadin Bogdanov, dhe ish-nënkryetar e OBRM-PDUKM-së, Mitko Jançev, të cilë më herët u shkarkuan nga funksionet e partisë, për shkak qëndrimit që të mos bojkotohet referendumi.Zëdhënësi i partisë OBRM-PDUKM-së, Dimçe Arsovski konfirmoi se delegacioni i udhëhequr nga Miskovski tashmë është atje dhe do të marrë pjesë si një delegacion i ftuar zyrtar i PPE-së. Sipas Arsovski, ky është një Kongres i rregullt i PPE-së, i cili përfshin organe punuese në të cilat përfaqësuesit e partive duhet të informojnë në cilin drejtim po lëviz partia.

Ky është një tjetër provë se OBRM-PDUKM nuk është e izoluar, thotë Arsovski. Edhe nga krahu reformator të partisë, konfirmojmë se PPE ka ftuar Petar Bogojevski dhe Kostadin Bogdanov. Ata thonë se kanë pranuar të marrin pjesë në Kongresin në Helsinki, si një pjesë proevropiane e partisë. Sipas burimeve tona, kjo është hera e parë që dy delegacione të OBRM-PDUKM-së marrin pjesë në Samitin e PPE-së.

Ftesa për ta është interpretuar si interesi i para trupave motër për të dëgjuar drejtpërdrejt atë që po ndodh në OBRM-PDUKM. Ata ende thonë se kjo do të thotë se përveç Amerikës, VMRO-DPMNE do të jetë e izoluar nga partitë motër evropiane./Telegrafi/