LAJMI I FUNDIT:

Dy akuza ndaj Thaçit për vrasje shoqërohen me kërcënimin “Shihemi në Gjykatën Speciale”

Dy akuza ndaj Thaçit për vrasje shoqërohen me kërcënimin “Shihemi në Gjykatën Speciale”

Jo vetëm Gani Geci po e drejton gishtin ndaj Presidentit të Kosovës, Hashim Thaçit për vrasjet e pasluftës. Akuzë të njëjtë ndaj të parit të vendit ka drejtuar sot edhe djali i ish zyrtarit të vrarë të LDK-së Smajl Hajdarit, Shpëtim Hajdari.

Të dy këta po deklarojnë se Thaçi ka dhënë urdhra për vrasjet e pasluftës, e po thonë se me të do të takohen në Gjykatën Speciale.

Por, edhe pse po drejtohen akuza të rënda ndaj tij, vet Thaçi ka zgjedhur të heshtë. Ai deri tani nuk e ka thënë as edhe një fjalë të vetme për këto akuza.

Ceremonia e rivarrimit të Kolonel Ahmet Kraniqit, bëri që të drejtohen shumë akuza të rënda drejt Presidentit të Kosovës, Hashim Thaçit, përcjell express. Madje, atij edhe iu ndërpre fjalimi nga njëri prej pjesëmarrësve, i cili e pyeti Presidentin se kush ishte personi që vrau heroin Ahmet Krasniqi.

E kësaj pyetje zgjodhi t’i përgjigj Gani Geci.

Ish-deputeti i Kuvendit të Kosovës, Gani Geci, akuzoi Presidentin e Republikës së Kosovës, Hashim Thaçin për vrasjen e Kolonelit Ahmet Krasniqi.

Geci deklaroi se ka qenë vet Thaçi, ai që e ka dhënë urdhër për vrasjen e kolonel Krasniqit, dhe se me Thaçin do të takohet në Gjykatën Speciale, duke bëtë me dije kështu se është një nga dëshmitarët e Speciales.

“Hashim Thaçi urdhërdhënës për vrasjen e Ahmet Krasniqit, duke u munduar t’i ik Gjykatës Speciale po mundohet t’i nderoj heronjtë. Unë dhe Thaçi do të takohemi në Gjykatën Speciale”, ka thënë Geci.

Geci, tha se të gjitha provat dhe mesazhet që i posedon lidhur me akuzën se presidenti Thaçi ka dhënë urdhër për vrasjen e ish-kolonelit Ahmet Krasniqit tashmë i ka dorëzuar në Gjykatën Speciale.

“Po po i kam dorëzuar në Gjykatë të gjitha”, tha Geci.

Për këtë deklaratë Geci po pretendon se ka bazë dhe se ka implikuar edhe emra të njohur të skenës sonë politike që sipas tij kanë njohuri për vrasjen e Ahmetit.

Por, kjo nuk është akuza e vetme e drejtuar ndaj Thaçit.

Presidenti po akuzohet edhe si i dyshuari kryesor për vrasjen e ish-deputetit të LDK-së, Smajl Hajdaraj, i cili ishte vrarë para hyrjes së banesës së tij në Pejë, në vitin 2002.

Gishtin drejt Presidentit për vrasjen e zyrtarit të LDK-së, e ka drejtuar vet djali i Hajdarit, Shpëtim Hajdari.

Hajdari ka deklaruar se Thaçi është i dyshuari kryesor për vrasjen e babait të tij dhe shumë kundërshtarëve të tij politik.

“Një popull , nuk mund ti nënshtrohet një njeriu (si i dyshuari kryesor për vrasjen e kundërshtarëve politik , njëri ndër ta edhe ajo e Smajl Hajdarajt)”, ka shkruar Hajdari në Facebook.

E vet Thaçi duket se është shumë i zënë rreth idesë së tij për shkëmbim të territoreve, apo siç po e quan ai “korrigjim të kufijve”.

Pavarësisht gjithë këtyre akuzave të rënda që po drejtohen ndaj tij, ai nuk ka thënë asnjë fjalë.

Ai po vazhdon që të lobojë për idenë e tij që Presheva t’i bashkohet Kosovës, derisa për Gjykatën Speciale që nga iniciativa për shfuqizimin e saj nuk e ka thënë as edhe një fjalë.

Ndërkohë shumë prej deputetëve e njohësve të politikës kanë deklaruar se edhe vet ideja e Thaçit për shkëmbim territoresh erdhi pasi që Thaçin e ka kapur paniku se emri i tij mund të jetë në listën e të akuzuarve të Speciales, e me korrigjimin e kufijve po mundohet ta tërheqë vëmendjen nga kjo.

Ndryshe, me 82 vota pro, 5 kundër dhe 1 abstenim, deputetët e Kuvendit të Kosovës kishin votuar ndryshimet kushtetuese të cilat i hapnin rrugë themelimit të Gjykatës Speciale, në gushtin e 2013-ës.

Por, dy vite më vonë deputetët që dikur kishin votuar pro themelimit të saj, morën iniciativën që ta shfuqizonin, ndonëse përpjekjet e tyre shkuan dëm pas paralajmërimeve të shteteve mike të Kosovës.

Për këtë gjykatë, Presidenti Thaçi kishte thënë se bashkësia ndërkombëtare e ka imponuar themelimin e saj dhe institucionet e kanë pranuar një gjë të tillë sepse në të kundërtën, “do të ishim të pafuqishëm të parandalonim themelimin e një gjykate tjetër ndërkombëtare, nën ombrellën e OKB-së”.

Në trend Lajme

Më shumë
Dygjuhësia duhet të merret si avantazh, jo problematikë te fëmijët – Pervizaj flet për hulumtimet e fundit

Dygjuhësia duhet të merret si avantazh, jo problematikë te fëmijët – Pervizaj flet për hulumtimet e fundit

Elfije Boletini
Deklaratat për zgjedhje, Konjufca: Mazhoranca nuk ka vullnet që vendi të shkojë në zgjedhje përmes dorëheqjes së Qeverisë

Deklaratat për zgjedhje, Konjufca: Mazhoranca nuk ka vullnet që vendi të shkojë në zgjedhje përmes dorëheqjes së Qeverisë

Lajme
Lajçak me post të ri nga shtatori

Lajçak me post të ri nga shtatori

Lajme
IKShPK: Regjistrohen 8 raste të Kollës së mirë në Kosovë, prindërit t'i vaksinojnë fëmijët

IKShPK: Regjistrohen 8 raste të Kollës së mirë në Kosovë, prindërit t'i vaksinojnë fëmijët

Shëndetësi
RTK: Ambasadori Berishaj po intervistohet nga Prokuroria Speciale

RTK: Ambasadori Berishaj po intervistohet nga Prokuroria Speciale

Drejtësi
Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri

Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri

Lajme
Kalo në kategori