Dua Lipa do të këndojë këngën e filmit më të ri të James Bond?

Këngëtarja e njohur shqiptare me famë botërore, Dua Lipa, vazhdon të jetë një nga emrat më të suksesshëm në tregun ndërkombëtar.

Është përfolur së fundmi në mediat e huaja se ajo është përzgjedhur për të kënduar kolonën zanore të filmit më të ri nga James Bond, i cili do të dalë së shpejti.

Informatat lidhur me këtë janë duke u ruajtur në fshehtësi në nivel të shërbimit inteligjent, por një detaj rreth kësaj tashmë është bërë i ditur për publikun.

Lexo po ashtu Shpallen nominimet për MTV Video Music Awards 2018 - Rita, Dua dhe Bebe Rexha dominojnë në disa kategori

Se Lipa është një ndër emrat më pretendentë për ta kënduar kolonën zanore të filmit rreth agjentit britanik 007, është zbuluar nga anë dy anëtarët e bendit “Years and Tears”, në një intervistë të dhënë së fundmi për Radio BBC.

Ndërkohë, muaj më parë Dua e pyetur nga Billboard as nuk e ksihte mohuar e as pohuar një lajm të tillë, duke cekur se nuk kishte asgjë konkrete.

Lexo po ashtu Dua Lipa promovon artistët shqiptarë që do të jenë pjesë e "Sunny Hill"

“Do të doja ta bëja, por tash për tash nuk jam duke e incizuar këngën. S’dua të spekuloj” ishte shprehur këngëtarja shqiptare.

Mikey Goldsworthy, njëri nga anëtarët e bendit “Years and Years” gjatë intervistës ka thënë se grupi i tyre do të jenë ata që do të kompozojnë muzikën, ndërsa Dua do të këndojë.

Ndonëse kolegu i tij Emre Turkmen tentoi që një lajm të tillë ta fshihte gjatë intervistës, Mikey nuk e mbajti dot për vete një informatë të tillë. /Telegrafi/