Presidenti i Shqipërisë, Bajram Begaj, ditën e sotme (e diel) i ka dhënë nënshtetësinë shqiptare këngëtares së famshme, Dua Lipa.
Begaj bashkë me kryetarin e Bashkisë së Tiranës, Erion Veliaj, kanë mirëpritur artisten me famë botërore si dhe të gjithë familjen.
Dekreti iu dorëzua nga presidenti i Shqipërisë, i cili theksoi që Lipa është një pasuri e rrallë për botën e muzikës dhe kudo ku flitet shqip.
Dua Lipa (Foto: Instagram)
Krijuesja e hitit “Levitating” nga ana tjetër në lidhje me këtë ka bërë një postim në rrjete sociale.
Ajo ka shpërndarë disa fotografi e video nga momenti, ndërsa shtoi se po ndihet shumë krenare.
Dua Lipa (Foto: Instagram)
“Faleminderit president Bajram Begaj dhe kryebashkiakut Erion Veliaj për këtë nderim - mora shtetësinë shqiptare”, tha Dua.
“Faleminderit, po ndihem shumë krenare”, vazhdoi më tej ajo.
Dua Lipa (Foto: Instagram)
Kjo iu dha në prag të Ditës së Flamurit, 110 vjetorit të Pavarësisë së Shqipërisë. /Telegrafi/
Dua Lipa (Foto: Instagram)
Dua Lipa (Foto: Instagram)
