Dua Lipa publikon disa fotografi atraktive si bionde nga prapaskenat e “Argylle”, gjersa njofton se filmi do të publikohet në shkurt

Dua Lipa “mashtroi” fansat duke i bërë ata të mendojnë se ajo kishte ndërruar modelin e flokëved të saj të kuqe për vitin 2024, teksa publikoi një sërë fotografish ku shfaqej si një bionde.

Këngëtarja, 28 vjeçe, u lajmërua në Instagram të martën për të ndarë me ndjekësit disa fotografi nga prapaskenat e filmit “Argylle”, në të cilin ajo shfaqet me flokë bionde të shkurtra.

Dua dukej magjepsëse, me paruket bionde me peroksid, ndërsa ekipi i filmit eksperimentoi duke krijuar një pamje për personazhin e saj, La Grange.

Në serinë e shkrepjeve të fotografive, Dua shfaqi rimelin grafikë ngjyrë vjollcë.

Ajo shkroi në mbishkrimin e fotografive: “Testi i flokëve dhe grimit për Argylle – do të dalë në kinema më 2 shkurt”.

Lexo po ashtu Albume, çmime prestigjioze e miliona njerëz që i dëgjojnë - sukseset që shënuan gjatë 2023 shqiptaret Rita Ora, Dua Lipa, Bebe Rexha e Ava Max

Fansat shkuan në seksionin e komenteve dhe shkruan: “Dukesh shumë bukur me këtë pamje të flokëve”.

Të tjerët thanë: “Mezi pres ta shoh (filmin)”, dhe ‘ jam shumë i/e emocionuar për aktoren Dua’.

Këngëtarja shqiptare ka rolin e të dashurës së Henry Cavill në filmin “Argylle”, që do ta ketë premierën më 2 shkurt.

Të dy Henry, 40 vjeç, dhe Dua, të cilët kishin një rol të shkurtër në “Barbie”, luajnë personazhe nga libri i romancieres Elly Conway (Bryce Dallas Howard).

Aktori merr rolin e agjentit Argylle, ndërsa Dua luan rolin e një tjetër spiune.

Kasti përfshin gjithashtu emra si: Samuel L. Jackson, Bryce Dallas Howard, Bryan Cranston, John Cena, Catherine O’Hara, Ariana DeBose dhe Rob Delaney.

Postimi i fundit i Dua-s vjen pasi ajo i prezantoi fansat e saj me një seri selfie të çuditshme pasi u kënaq në një festë të gjallë të Vitit të Ri në Jaipur, Indi, me familjen e saj të dielën.

Këngëtarja tregoi se kishte provuar disa kokteje shumë të fuqishme teksa shijoi një festë të zhurmshme në vitin 2024. /Telegrafi/