Dua Lipa gërmon 500 ton tokë nga trualli i shtëpisë së saj në Londër, për të ndërtuar një mega-bodrum me pishinë, palestër, kinema dhe studio

Dua Lipa është përfshirë në një projekt masiv për ndërtimin e një bodrumi të madh në pronën e saj në Hampstead, ku ajo planifikon të ketë një studio muzikore dhe pishinë.

Këngëtarja ka kaluar mbi tri vjet për të bindur këshillin lokal që të miratojë projektin, pasi pati shumë kundërshtime nga banorët për humbjen e hapësirave të gjelbra dhe çështje të tjera të mjedisit.

Projekti përfshin gërmimin e mbi 500 tonë dhe, dhe ndërtimin e bodrumit në një thellësi prej gjashtë metrash, që është katër herë më i madh se bodrumi ekzistues, shkruan DailyMail.

Projekti i ri do të përfshijë një zgjerim prej 310 metrash katrorë dhe pritet të zgjasë për 12 muaj deri në prill të vitit të ardhshëm.

Për të adresuar shqetësimet e banorëve për zhurmën dhe dridhjet, pajisjet ndërtimore do të montohen me izolatorë të veçantë për të minimizuar shqetësimin e fqinjëve.

Në kuadër të projektit, është planifikuar edhe ndërtimi i një çatie ekologjike për të ruajtur biodiversitetin e zonës dhe për të bërë që bodrumi të integrohet sa më mirë me kopshtin ekzistues.

Dua Lipa, e cila ka një pasuri të vlerësuar prej 75 milionë funtesh (90 milionë euro), bleu këtë pronë kur ishte vetëm 22 vjeçe dhe është e emocionuar për ta shndërruar atë në një vend që reflekton stilin dhe nevojat e saj personale.

Pavarësisht sfidave dhe pengesave gjatë procesit të aplikimit, ajo është në rrugën e duhur për të përfunduar projektin e saj të madh.

Ndërtimi është shoqëruar me një plan të detajuar për menaxhimin e rrezikut nga përmbytjet dhe lëvizjet e strukturës, pasi bodrumet konsiderohen të rrezikshme për shkak të këtyre faktorëve.

Kjo është arsyeja pse ka pasur një studim të thellë mbi ndikimin që do të ketë ndërtimi në pronat fqinje.

Ndërsa ndërtimi vazhdon, ekipet e ndërtimit do të duhet të ndjekin rregullat e vendosura për të minimizuar ndikimin në banorët lokalë, duke përdorur pajisje të veçanta për të kontrolluar zhurmat dhe dridhjet.

Kjo është një përpjekje e madhe për Dua Lipën, dhe ajo mezi pret që shtëpia e saj të bëhet një hapësirë e përshtatur për jetën dhe krijimtarinë e saj profesionale. /Telegrafi/