Deputeti i Aleancës për Ardhmërinë e Kosovës, Gani Dreshaj, ka reaguar pas vendimit të Gjykatës Themelore të Prishtinës, që e dënoi atë me gjobë prej 1250 euro për sulmin ndaj deputetit të Lidhjes Demokratike të Kosovës, Arben Gashi.

Dreshaj i tha Klan Kosovës se nuk pajtohet me dënimin dhe se sapo të kthehet nga Gjermania do të ankohet.

Xhavit Haliti dhe Gani Dreshaj dënohen për sulmin ndaj Arben Gashit Xhavit Haliti dhe Gani Dreshaj dënohen për sulmin ndaj Arben Gashit

Ai shtoi se nuk është në rregull të dënohet me këtë formë, pa e pyetur askush për rastin.

“Jam në Gjermani deri në fillim të nëntorit, por për rastin do të ankohem sa të kthehem. Nuk e pranoj këtë vendim, nuk është në rregull me më dënuar pa më thirr askush me më pyet asgjë, nuk e di as emrin e gjykatësit. Nuk po e arsyetoj veprën time, sepse i kam kërkuar falje Arbenit, familjes së tij, familjes sime e votuesve, por vendimin do ta ankoj sa të kthehem në Kosovë “, tha Dreshaj.

Gashi i pakënaqur me vendimin e Gjykatës Themelore, për Xhavit Halitin dhe Gani Dreshajn Gashi i pakënaqur me vendimin e Gjykatës Themelore, për Xhavit Halitin dhe Gani Dreshajn

Bashkë me deputetin e AAK-së Gani Dreshaj, u dënua edhe ish-nënkryetari i Kuvendit të Kosovës Xhavit Haliti.