Drejtuesit e Juventusit besojnë se do të fitojnë shumë trofe me Allegrin

John Elkann ka folur për shpresën e tij që Juventusi të vazhdojë të fitojë trofe nën drejtimin e Massimiliano Allegrit në një ngjarje të mbajtur në selinë e klubit të hënën mbrëma.  

Elkann dhe Allegri, së bashku me Presidentin Massimo Ferrero dhe drejtorin sportiv Cristiano Giuntoli ishin të pranishëm në hapjen e dhomës së re të trofeve në muzeun e klubit bardhezi.

Drejtori i Exor, Elkann, i cili mban një aksion kontrollues në Juventus, mbajti një fjalim në këtë ngjarje, gjatë së cilës ai diskutoi historinë krenare të klubit kur bëhet fjalë për trofetë dhe shpresën që Allegri të shtojë më shumë në koleksionin në sezonet e ardhshme.

Luci allo Juventus Museum ⚪️⚫️

Inaugurato il nuovissimo Tempio dei Trofei e la mostra “JuventUS”. Un pomeriggio davvero speciale ✨

— JuventusFC (@juventusfc) October 9, 2023

“Kemi 83 trofe këtu, 82 janë fituar me familjen time. Ka një të kaluar të madhe këtu, por edhe një të tashme të madhe dhe një të ardhme të madhe”, ka thënë fillimisht Elkann.

“Trajneri ynë ka kontribuar në shumë suksese, të cilat shpresojmë se do të vazhdojnë”.

Elkann vazhdoi të diskutojë planet e tij për të ardhmen, shpresën e tij për të shijuar suksesin së bashku me tifozët, si dhe Juventusi duke qenë guri mbi të cilin ekipi kombëtar mund të ndërtojë suksesin e tyre të ardhshëm.

Lexo po ashtu Allegri paralajmëron futbollistët e tij: Mos harroni, objektivi është top katërshja

“Ne kemi ndjerë gjithmonë një ndjenjë përgjegjësie ndaj tifozëve, përkushtimi nga ana jonë ka qenë gjithmonë aty, dhe kështu do të jetë gjithmonë. Shpresa është që të ndajmë së bashku të gjitha aspektet pozitive, duke ndihmuar gjithashtu të gjithë vendin të rritet”.

“Juventusi ka qenë gjithmonë shtylla kurrizore e ekipit tonë kombëtar, Spalletti vlerëson punën tonë dhe gjithashtu atë të ekipit tonë të ri. Të shtunën fituam derbin dhe pashë një entuziazëm të madh në stadium. Jam shumë i lumtur për këtë dhe tani le të përgatitemi për të ardhmen”, përfundoi drejtuesi i Juves. /Telegrafi/