Komisioni Qendror Zgjedhor ka pranuar koalicionin e parë parazgjedhor. Zëdhënësi i KQZ-së, Valmir Elezi e ka konfirmuar këtë për Telegrafin.
Elezi ka thënë se koalicioni është emëruar Vakat.
"Kemi pranuar një deklaratë për Koalicion Parazgjedhor me emërtimin: Koalicioni Vakat. Ky koalicion është deklaruar nga 3 Parti Politike nga radhët e komunitetit boshnjak: Demokratska Stranka Bošnjaka, Demokratska Stranka Vatan dhe Ujedinjena Stranka Bošnjaka", ka thënë Elezi.
Ndryshe sot është dita e fundit që partitë politike mund të dorëzojnë koalicionet parazgjedhore në KQZ./Telegrafi/
