Donatella Versace i komenton Dua Lipës për filmin “Zgjoi”: Kosova ka shumëçka për t’u krenuar

Këngëtarja shqiptare me renome botërore, Dua Lipa, ka bërë një reagim ditën e djeshme pasi filmi kosovar “Zgjoi” është futur në listën e ngushtë të filmave për çmimin prestigjioz ‘Oscar’.

Krijuesja e hitit “One Kiss” tha se është shumë krenare për këtë dhe se kjo është mënyra më e mirë për ta përfunduar vitin 2021.

Në postimin e Lipës, të shpërndarë në Instagram, një koment e ka bërë edhe themeluesja e kompanisë së famshme “Versace”, Donatella Versace.

View this post on Instagram

A post shared by DUA LIPA (@dualipa)

Ajo ndër të tjerash ka theksuar se Kosova ka shumëçka për t’u krenuar.

Lexo po ashtu "Zgjoi" më afër nominimit për Oscars 2022, Dua Lipa: Lajmi më i mirë për t'u zgjuar

“Mrekulli! Ti duhet të jesh shumë krenare Dua, Kosova ka shumëçka për t’u krenuar”, ka qenë komenti i Donatellas.

“Hive” (Zgjoi) ndërkohë bën pjesë në listën e ngushtë të 15 filmave ndërkombëtar për edicionin e 94-të të ceremonisë së ‘Oscars’.

Ky film është i frymëzuar nga historia e vërtetë e Fahrije Hotit nga Krusha e Madhe, e cila në kërkim të burrit të saj të humbur gjatë luftës në Kosovë, fillon një biznes bujqësor për ta siguruar mbijetesën e familjes. /Telegrafi/