LAJMI I FUNDIT:

Dokumenti i republikanëve që akuzon FBI-në (Foto)

Dokumenti i republikanëve që akuzon FBI-në (Foto)

Pas autorizimit nga presidenti Donald Trump, republikanët e Dhomës së Përfaqësuesve sot bënë publik një dokument që ishte i klasifikuar sekret, në të cilin pretendohet se zyrtarët e lartë të FBI-së janë treguar të njëanshëm kundër presidentit Donald Trump.

Dokumenti iu shpërnda mediave pak pasi presidenti Trump autorizoi publikimin e tij.


Raporti ishte shkruar nga kryetari i Komisionit të Dhomës së Përfaqësuesve për Zbulimin, republikani Devin Nunes.

Byroja Federale e Hetimeve, Departamenti i Drejtësisë dhe demokratët ishin shprehur kundër publikimit të dokumentit.

Në dokument FBI-ja akuzohet se ka abuzuar me fuqitë e saj për të fituar qasje në hetimin e ndërhyrjes së mundshme ruse në zgjedhje presidenciale, për të mbikëqyrur një nga ndihmësit e fushatës për president.

Presidenti Donald Trump tha se pas publikimit të sotëm të dokumentit legjitim republikan, shumë njerëz do të duhet të ndjehen të turpëruar.

“Memorandumi u dërgua në Kongres, kodi i fshehtësisë u hoq, Kongresi do të bëjë çfarë të nevojitet, por mendoj se është një turp për atë që ka ndodhur në vendin tonë”, tha Tramp.

“Lidershipi më i lartë dhe hetuesit e FBI-së, dhe ata të Departamentit të Drejtësisë kanë politizuar procesin e shenjtë hetues”, kishte shkruar paraprakisht Trump në Twitter.

Demokratët këtë e shohin si një përpjekje për të dëmtuar një hetim federal mbi akuzat sipas, të cilave drejtuesit e fushatës së Trump kanë punuar fshehurazi me Rusinë para zgjedhjeve të vitit 2016.

Kryetari i Dhomës së Përfaqësuesve, Paul Ryan minimizoi pasojat e mundshme të publikimit të memos, mbi hetimin e kryesuar nga prokurori special Robert Mueller, duke nënvizuar se Kongresi kishte për detyrë të verifikonte nëse fuqitë mbikëqyrëse ishin përdorur në mënyrë korrekte. /kp/Telegrafi/

Dokumenti: http://docs.house.gov/meetings…

Në trend Botë

Më shumë
Reagimi me një fjalë i ministrit izraelit – detaje dhe pamje, minutë pas minute, rreth ‘hakmarrjes’ së Izraelit ndaj Iranit

Reagimi me një fjalë i ministrit izraelit – detaje dhe pamje, minutë pas minute, rreth ‘hakmarrjes’ së Izraelit ndaj Iranit

Botë
Izraeli e njoftoi në minutën e fundit SHBA-në për sulmin ndaj Iranit

Izraeli e njoftoi në minutën e fundit SHBA-në për sulmin ndaj Iranit

Azia

"Iranianët janë shumë të frikësuar"

Botë
Ai e shëtiste me veturën e shtrenjtë një të pastrehë meksikan - nuk e kishte ëndërruar që videot e tij do të ishin shkaktar i një bashkimi familjar

Ai e shëtiste me veturën e shtrenjtë një të pastrehë meksikan - nuk e kishte ëndërruar që videot e tij do të ishin shkaktar i një bashkimi familjar

Amerika Latine
Një fshat i vogël është bërë i famshëm në Itali: Atje dielli nuk bie kurrë, por vendasit kanë një ide gjeniale

Një fshat i vogël është bërë i famshëm në Itali: Atje dielli nuk bie kurrë, por vendasit kanë një ide gjeniale

Evropa
Sulmi izraelit, iranianët pretendojnë se “shpërthimet ishin si fishekzjarre

Sulmi izraelit, iranianët pretendojnë se “shpërthimet ishin si fishekzjarre"

Botë
Kalo në kategori