Dodik pohoi se punon për shpërbërjen e Bosnjës, Vuçiq thotë se do ta dëgjoj çfarë thotë ai

Sot në Beograd, presidenti i Serbisë, Aleksandar Vuçiq, komentoi pretendimet në lidhje me ekzistencën e “non-paper” sllovene, e cila parashikon ndarjen e Bosnje-Hercegovinës, i cili pretendohet se u dërgua në Bruksel nga kryeministri i Sllovenisë, Janez Jansha.

Vuçiq ishte mjaft i rezervuar në lidhje me letrën sllovene, por theksoi se gjithmonë do ta dëgjonte anëtarin serb të presidencës boshnjake, Milorad Dodik, pavarësisht nëse ata ishin dakord, raporton klix.ba.

Lexo po ashtu Dodik: Do të punoj për shpërbërjen paqësore të Bosnjës

“Unë nuk kam parë ndonjë iniciativë dhe nuk jam gati të kritikoj ose lavdëroj diçka. Nuk kam ide se për çfarë bëhet fjalë. Ne nuk e dimë nëse diçka ekziston ose nuk ekziston. Por nëse Dodik mendon ndryshe, çfarë t’i them Dodikut, jo dua ta dëgjoj? Do ta dëgjoj çdo herë. Shikoj gjithçka me shumë kujdes dhe frikë, sepse e di çmimin e paqes. Kjo nuk do të thotë domosdoshmërisht që ne biem dakord për gjithçka, por ne janë në termat më të mirë”, tha Vuçiq.

Lexo po ashtu “Plani i kryministrit slloven për riorganizimin e kufijve të Ballkanit”, vjen edhe përgjigja e ambasadës amerikane në Slloveni

Kujtojmë se Dodik ditë më parë deklaroi se do të punojë për shpërbërjen paqësore të shtetit boshnjak.

Ndryshe, “non-paper” parasheh edhe ndarjen e Kosovës, ku njëra pjesë do t’i bashkohet Shqipërisë gjersa pjesa tjetër do të administrohet si Tiroli Jugor. /Telegrafi/