LAJMI I FUNDIT:

“Dobët kryeministër, dobët”, “këqyreni çfarë shefi ka LDK-ja”, përplasje mes Kurtit e Gashit

“Dobët kryeministër, dobët”, “këqyreni çfarë shefi ka LDK-ja”, përplasje mes Kurtit e Gashit

Kryeministri i Kosovës, Albin Kurti dhe shefi i Grupit Parlamentar të LDK-së, Arben Gashi, janë përplasur verbalisht në seancën e sotme të Kuvendit ku po diskutohet për dialogun me Serbinë.

Gashi tha se fjala “dobët” të cilën ia tha kryeministrit ka bërë që ky i fundit të dalë nga kontrolli.

“Ajo që e tronditi kryeministrin dhe e humbi kontrollin është vetëm një fjalë: Dobët kryeministër, po ta them edhe publikisht atë që ta thashë sepse ndoshta nuk e ke dëgjuar mirë. U zbehe, u sarakuqe, u çorientove, u çrregullove, e humbe kohën vetëm për një fjalë: Dobët kryeministër”, u shpreh ai.

Gashi më tej e akuzoi Kurtin duke thënë se është treguar i dobët në përfaqësim përball Serbisë, në qëndrimet e tij e në përfaqësim të dinjitetshëm të vendit.

“Po harron që prej asaj karriges ku jam ulur, ti ke qenë prapa, ke gjuajtur me vezë, prej këtu afër e ke gjuajtur paraardhësin tënd me sprej, gazlotësjellës, ke sulmuar fizikisht, më ke gjuajtur mua me gazlotsjellës dhe nuk e ka bërë askush tragjedi kaq të madhe, të tronditet kaq shumë sa ti prej një fjale: dobët. Dobët kryeministër në përfaqësimin tënd përball Serbisë. Dobët qysh i ndërron qëndrimet tua. Dobët zotni në mënyrën si komunikon. Dobët. Nuk kalon kjo mënyrë se si ti po e koncepton politikën. Dobët kryeministër”, u shpreh deputeti opozitar.

E në replikën e tij, Kurti e quajti të papjekur deputetin, duke thënë se vazhdimisht po ia ndërpret fjalimin.

“Unë nuk e dëgjoj deputetin Gashi teksa më ndërhynë. Prapë më ndërhyri. Unë nuk e dëgjoj. Por, me të vërtetë kur po bëhen shtatë-tetë ndërhyrje brenda pesë minutave, po detyrohem të reagoj. Dhe, nuk është cilido deputeti. Është shef i Grupit Parlamentar. LDK-ja shef e ka. Këqyreni çfarë shefi ka. Shefi i Grupit Parlamentar të partisë së tretë në Kuvend më ndërhyn orë e çast. Ai ma bën mua të pabesueshme se sa e pafundme është papjekuria e tij”, u shpreh Kurti./Telegrafi/

Në trend Lajme

Më shumë
Dygjuhësia duhet të merret si avantazh, jo problematikë te fëmijët – Pervizaj flet për hulumtimet e fundit

Dygjuhësia duhet të merret si avantazh, jo problematikë te fëmijët – Pervizaj flet për hulumtimet e fundit

Elfije Boletini
Deklaratat për zgjedhje, Konjufca: Mazhoranca nuk ka vullnet që vendi të shkojë në zgjedhje përmes dorëheqjes së Qeverisë

Deklaratat për zgjedhje, Konjufca: Mazhoranca nuk ka vullnet që vendi të shkojë në zgjedhje përmes dorëheqjes së Qeverisë

Lajme
Lajçak me post të ri nga shtatori

Lajçak me post të ri nga shtatori

Lajme
IKShPK: Regjistrohen 8 raste të Kollës së mirë në Kosovë, prindërit t'i vaksinojnë fëmijët

IKShPK: Regjistrohen 8 raste të Kollës së mirë në Kosovë, prindërit t'i vaksinojnë fëmijët

Shëndetësi
RTK: Ambasadori Berishaj po intervistohet nga Prokuroria Speciale

RTK: Ambasadori Berishaj po intervistohet nga Prokuroria Speciale

Drejtësi
Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri

Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri

Lajme
Kalo në kategori