Dita Botërore e Shëndetit Mendor është me 10 tetor dhe qëllimi i kësaj dite është ta rritë vetëdijesimin sa i përket problemeve të shëndetit mendor.
Për vitin 2019, fokusi i kësaj dite është në parandalimin e vetëvrasjeve, transmeton Telegrafi.
Kjo ditë u jep mundësinë të gjithë atyre që punojnë në fushën e shëndetit mendor të flasin për punon e tyre dhe ta rrisin vetëdijesimin se çfarë mund të bëhet më shumë që kujdesi për shëndetin mendor të bëhet realitet për njerëzit anë e mbanë globit.
Dita Botërore e Shëndetit Mendor: 40 sekonda për veprim!
Sipas Organizatës Botërore të Shëndetësisë, pothuajse çdo 40 sekonda dikush e humbë jetën.
Prandaj, kjo organizatë ka lansuar një kampanjë të quajtur “40 sekonda për veprim” që ta rritë vetëdijesimin e shkallës së lartë të vetëvrasjeve anë e mbanë botës dhe për rolin që secili prej nesh e kemi për parandalimin e këtij fenomeni.
Vetëvrasja është problem global dhe një prej shkaktarëve kryesorë të vdekjeve mes të rinjve, e posaçërisht mes atyre të moshave 15-29 vjet.
Me vite të tëra, OBSH ka qenë duke i trajtuar vetëvrasjet si prioritet. Ky problem ka marrë vëmendjen edhe të fushave tjera duke përfshirë filozofinë, religjionin, mjekësinë, sociologjinë, psikologjinë, etj.
Vetëvrasja: Cilët janë shkaktarët që i nxisin të rinjtë për të kryer vetëvrasje?
Shumë arsye mund ta shpijnë një individ, e veçanërisht një të ri, të kryejë vetëvrasje. Këto arsye përfshijnë dështimin në studime, traumat nga fëmijëria, mungesa e harmonisë në familje, dhuna, abuzimi seksual, bulizmi, etj.
Sidoqoftë, është shumë i rëndësishëm parandalimi i vetëvrasjeve dhe kjo meriton vëmendje posaçërisht kur e kemi parasysh rritjen e problemeve tjera të shëndetit mendor, siç është depresioni dhe ankthi.
Çfarë mund të bëhet për t’i parandaluar vetëvrasjet?
Vetëvrasjet janë të parandalueshme, pasi që viktimat nuk duan t’i japin fund jetës së tyre, por thjesht dhimbjes momentale që janë duke e përjetuar.
Nëse në kohëra të tilla ata e kanë dikë për të folur apo për t’u mbështetur, atëherë vetëvrasjet mund të parandalohen.
Intervenimi me kohë është hapi i parë për t’i ndihmuar ata që kanë probleme me sëmundje mendore. /Telegrafi/
Lufta Prigozhin - Putin
Më shumëInvestoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Çfarë janë retë artificiale dhe a shkaktuan përmbytjet e mëdha në Dubai?
Gazeta ukrainase: Pse vendimi i Asamblesë Parlamentare të Këshillit të Evropës për Kosovën është humbje historike për Serbinë
“Vetëm një skuadër në Evropë është më e mirë se Bayern Munich” – legjenda e bavarezëve flet për Tuchel dhe ecurinë e klubit
Parandalohet vrasja e Volodymyr Zelenskyt - arrestohet shtetasi polak që bashkëpunonte me rusët
Zyrtare: Serie A do të ketë pesë skuadra në Ligën e Kampionëve për sezonin 2024/25
Policia serbe e dërgon në paraburgim mërgimtarin nga Gjakova që e arrestoi në kufi