Populli turk foli në zgjedhje fjalën e tij demokratike dhe të pushtetshme: ka dy humbës të qartë dhe një fitimtare të qartë në zgjedhjet parlamentare të së dielës. Ata që humbën janë Presidenti i shtetit, Recep Tayyip Erdogan, si dhe partia fetare-konservatore AKP, e mbështetur me të gjitha mjetet në dispozicion prej tij. Partia kurde HDP nga ana tjetër e kaloi për herë të parë kufirin e dhjetë përqindëshit dhe arriti që me meritë të hyjë në Asamblenë e Madhe Nacionale në Ankara. Ky rezultat është i barabartë me një dështim në zgjedhje për të ardhur rëndë për Erdoganin.
Erdogani i vuri të gjitha në një kartë për të arritur objektivin e tij, për ta shndërruar Turqinë në një republikë presidenciale. Duke shkelur detyrimin e tij për qëndrim neutral si president i vendit, për javë të tëra ai vajti kudo në vend për të bërë publicitet për AKP-në. Njëkohësisht, nuk u spraps nga sulmet e shfrenuara verbale kundër partive kundërshtare, madje edhe nga shpifjet për to. Erdogani dhe pasardhësi i tij si kryetar i qeverisë dhe i AKP-së, Ahmet Davotuglu, u ndëshkuan edhe për shpërdorimin e fesë si mjet për të arritur objektivat politike.
AKP-ja, e cila në 2002 nën drejtimin e Erdoganit arriti me 34 për qind të votave fitoren e parë të bujshme, pas rekordeve të viteve të fundit, me gati 50 për qind katër vjet më parë dhe 52 për qind në zgjedhjet e para të drejtpërdrejta presidenciale tani duhet të kënaqet me vetëm 40 për qind të votave. Shumica prej dy të tretash, e shpresuar nga Erdogani si kusht për ndryshimet kushtetuese, për të futur sistemin presidencial në Turqi, tani mund të konsiderohet vetëm utopi.
Humbja e qartë për herë të parë e shumicës absolute e detyron AKP-në që të lidhë koalicione. Përndryshe atë e kërcënon një rol opozitar me pasoja të pasigurta për fatin e mëtejshëm të partisë. Që prej më shumë se 20 vjetësh, të gjitha partitë dikur në qeveri dhe të forta janë kthyer në parti politike të parëndësishme, pasi kryetarët e partive janë bërë presidentë të vendit.
Fitimtarja e mirëfilltë e zgjedhjeve, HDP-ja kurde nuk duhet të flejë asnjë ditë mbi dafina dhe të bëjë gabimin e mbivlerësimit të vetes. Përndryshe, në zgjedhjet e mundshme të parakohshme për Parlamentin në vjeshtë, ajo kërcënohet sërish që të mbesë jashtë Parlamentit. Dy bashkëkryetarët e HDP, Selahattin Demirtas dhe Figen Yüksekdag duhet të jenë të ndërgjegjshëm, që për këtë sukses ata i kanë ndihmuar votat taktike prej të gjitha partive të tjera, duke përfshirë edhe AKP-në. Shumë i madh qe refuzimi për planin e Erdoganit për ta çimentuar pushtetin e tij në të gjitha shtresat e popullatës dhe për ta larguar Turqinë nga demokracia pluraliste.
HDP duhet të ofrojë dëshminë për pretendimin e fiksuar edhe në emrin e saj, për të qenë një parti demokratike e të gjithë popujve. Ajo duhet t’i bindë njerëzit, se nuk është krahu politik i organizatës militante kurde, PKK. Pas vdekjes së më shumë se 40.000 vetëve, të cilët kanë humbur jetën që prej vitit 1984 në luftimet midis PKK dhe shtetit turk, nacionalistët e majtë dhe të djathtë janë në përgjim të shansit të tyre për ta nxjerrë HDP-në sërish nga Parlamenti. Pasoja fatale për HDP-në mund të kishte përpjekja, që me anë të taktikave politike të arrijë lirimin e udhëheqësit të PKK-së, Abdullah Öcalan, të arrestuar që prej 16 vjetësh.
Po kaq i hidhur sa është medikamenti që duhet të gëlltisin tani Erdogani dhe AKP, po kaq e rrezikshme do të ishte mendjemadhësia për tri partitë opozitare. Ato janë vetëm përfituese të arrogancës politike të Erdoganit dhe të AKP-së, të cilave hëpërhë iu tregua kufiri.
Promo
Reklamo këtuLufta Prigozhin - Putin
Më shumëNga Rubrika
Pavarësisht nëse Robert Fico mbijeton dhe rifillon ose jo detyrën, Sllovakia është në situatë të rrezikshme
Lidhja mes ekonomive: Roli katalizator i pagesave ndërkufitare me kosto të ulët në Ballkanin Perëndimor
Riorganizimi i makinerisë së luftës së Putinit, zbulon frikën e tij më të thellë – ngritjen e rivalëve në Kremlin
Vetëm dy vende do të mbijetonin pas apokalipsit bërthamor - çka do t'i shpëtonte këto shtete
Miratohet lista zyrtare, qytetarët do t’i blejnë barnat me çmim të njëjtë në të gjithë Kosovën
Stjuardesa mbeti e shtangur kur pa se çfarë fshihej në bagazhin e brendshëm të aeroplanit
Kosova nuk hyri në agjendë të Komitetit të Ministrave, arsyetohet ministrja Gërvalla: Letrës me ofertën për draft-statutin e Asociacionit i ka humbur relevanca
Robert Berisha: Xhensila duhet ditë e natë t'i falënderohet Bes Kallakut për famën që ka, sepse ka qenë vajzë që s'e ka njohur askush
Tre kandidatët favorit që po përfliten si zëvendësues të Xavit tek Barcelona
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Vetëm dy vende do të mbijetonin pas apokalipsit bërthamor - çka do t'i shpëtonte këto shtete
"Pulë me të huaj dhe skifter me të vetët”, Alizoti: Rama duhet ta kishte përqafuar Kurtin
BE reagon për draft statutin e paralajmëruar nga Kosova për Asociacionin
Politikani serb: Kam bërë padi në GjND për krimet serbe ndaj shqiptarëve të Kosovës
Zbardhet aktiviteti i atentatorit të kryeministrit sllovak - ishte pjesë e një grupi pro-rus
Amerikani bleu një magazinë të vjetër për 380 euro - ajo çfarë gjeti në të është një pasuri e vërtetë