Dimitrov: Me Bullgarinë punë e kryer, vazhdojmë të ndërtojmë histori suksesi me fqinjët

Ministri i Punëve të Jashtme për Deutsche Welle ka treguar për marrëveshjen për fqinjësi të mirë me Bullgarinë dhe ka thënë se kjo është veçse punë e kryer e tani qëllimi është që të kryhet marrëveshja me Greqinë dhe fqinjët tjerë që në të kaluarën janë lënë përvoja të hidhura.

”E kemi përmbyllur së bashku dokumentin me Bullgarinë për fqinjësi të mirë që ka për qëllim ngritjen e bashkëpunimit në mes dy shteteve. Jemi munduar që të mbyllim fërkimet e përbashkëta si dy shtete dhe të mbyllim parregullësitë e komunikimit tonë zyrtar deri tani. Është arritur kompromis mes dy vendeve. Nënshkrimi i marrëveshjes do të rris besimin mes dy shteteve. Kjo tregon se jemi serioz në qëllimet tona.” tha Dimitrov në lidhje me marrëveshjen me Bullgarinë, përcjell Telegrafi Maqedoni.

”Maqedonia është në fillim të funksionimit pasi kemi qeveri të re që do të rris nivelin e komunikimit mes dy shteteve fqinje. Për këtë duhet të mendoni ju si shtet se çfarë fqiu doni të keni. Këtë e thash në Greqi në takimin tim zyrtar. Ndihma nga Greqia për tu integruar në NATO është e nevojshme për vendin tonë që edhe këtë herë të mos e lëshojmë mundësinë.” tha Dimitrov për marrëdhëniet me Greqinë.

Ky qëndrim i diplomacisë së Maqedonisë është kritikuar nga OBRM-PDUKM-ja opozitare që ngre dyshime se çka është përfshirë në marrëveshjen me Bullgarinë dhe çka do merren vesh me Greqinë. /Telegrafi/