Dieta e liposuksionit – përfitimet, ushqimi dhe menyja

Dieta e liposuksionit është një ushqim i veçantë i bazuar në konsumimin e yndyrave natyrale dhe eliminimin e karbohidrateve. Ajo gjithashtu mbështet kthimin në ushqimin e të parëve tanë dhe shmangien e produkteve të parapaketuara, gjysmë të gatshme dhe të rafinuara

Gjatë dietës, suplementet e aminoacideve merren për të nxitur zbërthimin e yndyrës në trup.

Në vijim të këtij artikulli, zbuloni se cilat ushqime lejon dieta e liposuksionit, cilat janë avantazhet e saj dhe si të krijoni menynë.

Autori i dietës së liposuksionit është dietologu Kenan Mandra, nga kompania International Health. Ai pretendon se ka perfeksionuar një program diete për humbje peshe të shëndetshme dhe të shpejtë.

Programi i dietës së liposuksionit nuk ka të bëjë fare me kirurgjinë e liposuksionit, përveçse ka një qëllim të përbashkët për të shkrirë shpejt yndyrën në trup.

Ekspertët nga International Health shpjegojnë: Liposuksioni joinvaziv (ushqimi me liposuksion) ka integruar dietën LowCarb/mesdhetare dhe mekanizmat e rregullimit hormonal të masës trupore në një protokoll unik, përfundimtar për humbjen dhe ruajtjen e peshës.

Dieta përfshin kthimin tek ushqimet që hanin paraardhësit tanë, përfshijrë yndyrat natyrale që gjenden te kafshët dhe bimët. Kjo dietë nuk është strikte dhe nuk përfshin urinë, por redukton shumë marrjen e karbohidrateve, transmeton Telegrafi.

Dieta e liposuksionit dhe aminoacidet

Kenan Mandra beson se sheqeri është problemi më i madh në ushqimin e sotëm, kështu që dieta bazohet në marrjen e yndyrës dhe proteinave, së bashku me marrjen e aminoacideve nëpërmjet suplementeve. Kështu, stimulohet shpërbërja e yndyrës në trup, domethënë metabolizmi përdor rezervat e veta të yndyrës si burim energjie.

Një mënyrë e tillë e të menduarit ka kuptim nëse kemi parasysh se zbërthimi i yndyrës, pra procesi i beta-oksidimit, jep më shumë energji sesa përdorimi i sheqerit. Konsumimi i tepërt i sheqerit çon në çrregullimin në punën e insulinës, një hormon që shërben si një “lajmëtar” për qelizat. Ai lidhet me receptorët e qelizave kur ka shumë glukozë në gjak dhe u jep sinjal qelizave se glukoza duhet të përpunohet ose të depozitohet në formën e glikogjenit. Ndërprerja e punës së pankreasit, i cili sekreton insulinë, çon në zhvillimin e diabetit dhe çrregullimeve të tjera në proceset metabolike.

Qëllimi i dietës së liposuksionit është të normalizojë çekuilibrin hormonal në mënyrë që trupi të përdorë rezervat e tij të yndyrës për energji, jo sheqer. Aminoacidet e marra nëpërmjet suplementeve veprojnë si aktivizues të enzimës së lipazës që fillojnë procesin e zbërthimit të yndyrave.

Autori i kësaj diete pohon se gjendja shpirtërore është e rëndësishme në këtë dietë dhe se uria është një problem psikologjik. Kjo është arsyeja pse një qasje individuale ushqyese është e rëndësishme për këdo që dëshiron të nisë dietën e liposuksionit. Gjithashtu, para se të filloni këtë dietë, është jashtëzakonisht e rëndësishme që të konsultoheni me një mjek.

Dieta nuk rekomandohet:

▪ për personat që vuajnë nga sëmundje të zemrës, mëlçisë ose veshkave
▪ gratë shtatzëna dhe gjidhënëse
▪ fëmijët nën 14 vjeç
▪ personat me imunitet të dobësuar
▪ personat që nuk kanë nevojë të humbin peshë, pra që kanë një indeks normal të BMI-së
▪ për personat që vuajnë nga diabeti
▪ te personat që vuajnë nga çrregullime në punën e gjëndrave (siç është gjëndra tiroide) dhe sekretimi i hormoneve.

Dietë pa karbohidrate

Autori i dietës së liposuksionit beson se shtimi në peshë është rezultat i një çekuilibri hormonal, jo i marrjes së tepërt të ushqimit me kalori. Çekuilibri hormonal çon në depozitimin e yndyrës dhe përdorimin e sheqerit si burim kryesor i energjisë.

Gjithashtu, shumë ushqime sot përmbajnë ngjyra artificiale, ëmbëltues dhe aditivë. Përbërës të tillë kontribuojnë gjithashtu në çrregullime hormonale në trup. Qëllimi i dietës së liposuksionit është të përdorë rezervat e yndyrës në trup brenda 10-14 ditëve dhe kështu:

▪ reduktoni shpejt dhe në mënyrë efektive peshën trupore
▪ rivendosni ekuilibrin hormonal të trupit.

Autori Kenan Mandra thotë se:

▪ Dieta nuk është kufizuese
▪ Dieta nuk është e rrezikshme për shëndetin
▪ Nuk ka efekt yo-yo me këtë dietë
▪ Rezultatet e para janë të dukshme pas 24 orësh
▪ Uria është një gjendje shpirtërore dhe mund të kapërcehet me motivim të fortë
▪ Dieta është një mënyrë e re jetese, jo trajtim i njëkohshëm.

Dieta e liposuksionit dhe yndyrat

Këto 15 vitet e fundit, shpesh është bërë një dallim midis yndyrave “të mira” dhe “të këqija”, ku acidet yndyrore të pangopura konsiderohen të mira, ndërsa acidet yndyrore të ngopura dhe acidet yndyrore trans konsiderohen të këqija.

Acidet yndyrore të pangopura gjenden në peshk, produkte bimore (p.sh. vaj ulliri dhe liri) dhe frutave arrore.

Acidet trans yndyrore prodhohen artificialisht dhe gjenden në ushqimet e përpunuara të skuqura dhe pothuajse të gjithë ekspertët pajtohen se ato janë të dëmshme për shëndetin e njeriut.

Acidet yndyrore të ngopura gjenden në produktet me origjinë shtazore: mishi, vezët dhe produktet e qumështit.

Sipas bazave të dietës së liposuksionit, acidet yndyrore të ngopura që zakonisht deklarohen të këqija, pra yndyrat me origjinë shtazore, në fakt nuk janë të këqija dhe njerëzit duhet t’i konsumojnë rregullisht pikërisht sepse historikisht janë kaq të rrënjosura në dietën e njeriut, duke shmangur sheqernat.

Hulumtimet mbi dëmin e acideve yndyrore

Shkencëtarët dhe nutricionistët ende nuk kanë arritur një konsensus nëse acidet yndyrore “të këqija” janë vërtet kaq të këqija dhe nëse ato ndikojnë në shpeshtësinë e sëmundjeve të zemrës dhe obezitetit. Ne paraqesim rezultatet e disa hulumtimeve të rëndësishme të kohëve të fundit mbi këtë temë.

Në vitin 2014, Medline, revista mjekësore e Bibliotekës Kombëtare të Mjekësisë të Shteteve të Bashkuara të Amerikës, analizoi rezultatet e 76 studimeve në të cilat morën pjesë gjithsej 620,077 njerëz dhe arriti në përfundimin se nuk ka asnjë provë të fortë se një dietë që nënkupton se një konsum i lartë i yndyrave të pangopura me një konsum të ulët të yndyrave të ngopura ndihmon shëndetin e zemrës. Mbi bazën e këtij raporti Kenan Mandra bazon dietën e liposuksionit.

Gjithashtu, një studim i mëparshëm i Institutit Amerikan Oakland nga viti 2010, i cili përfshiu 347,747 njerëz në një periudhë 5-23 vjeçare, nuk gjeti ndonjë lidhje midis marrjes së yndyrave të ngopura dhe shfaqjes së sëmundjeve të zemrës dhe rritjes së rrezikut të atakut në zemër.

Megjithatë, hulumtimi i vitit 2018 tregoi ndikimin negativ të yndyrës së ngopur në shëndet. Por, ky studim ndoqi vetëm 12 të rinj obezë për dy javë në një dietë me yndyra të ngopura, e cila është një mostër e vogël për të nxjerrë përfundime të mëdha. Te të gjithë testuarit në javën e parë të eksperimentit niveli i kolesterolit të keq – LDL, u rrit ndjeshëm, me dëmtime të dukshme të mëlçisë.

Gjithashtu, kërkimet mbi zakonet e të ngrënit të amerikanëve nga viti 2005 deri në vitin 2012 treguan një lidhje midis konsumit të sasive të mëdha të yndyrave të ngopura dhe rritjes së indeksit të masës trupore (indeksi BMI), pra me obezitetin.

Dieta e liposukcionit – ushqimet

Ushqimet të lejuara janë:

▪ frutat – të freskëta, të thara pa ëmbëltues, të ngrira, në formën e kompostos së pa ëmbëltuara
▪ produktet e qumështit – qumësht dhe kos me pak yndyrë, hirrë pa sheqer, djathë i bërë nga qumështi i skremuar, djathë i ri
▪ mishi – mish i tharë dhe i tymosur si proshutë, sallamet, peshk yndyror,
▪ drithërat – elbi, orizi, drithërat integrale
▪ pijet – ujë, ujë mineral, lëngje të freskëta frutash apo perimesh pa sheqer, çajrat pa sheqer.

Ushqimet që nuk lejohen në dietën e liposuksionit janë:

▪ reçel idhe marmelata e ëmbël, frutat të ëmbëlsuara, shurupet, lëngjet me sheqer
▪ kosi me yndyrë, qumështi me yndyrë, krem qumështi
▪ mishi i tharë dhe i tymosur, proshuta, salsiçet, peshku i yndyrshëm,
▪ mielli i bardhë dhe soja, produktet e furrtarëve
▪ alkooli, kafja e zakonshme dhe pa kafeinë, lëngjet e gazuara dhe të ëmbla.

Ushqimi – menyja

Menyja përgatitet individualisht për çdo person në varësi të nevojave të tyre. Ka programe të ndryshme ushqimore si:

▪ program për atletët
▪ program për humbje peshe
▪ program ushqimor për të moshuarit
▪ program i tipit mjekësor
▪ program klasik për optimizimin e të ushqyerit.

Avantazhi i këtyre programeve është monitorimi ditor i rezultateve dhe gjendjes së personit që ka filluar dietën e liposuksionit.

Menyja është e larmishme dhe mundëson darka më të bollshme dhe ëmbëlsira me bazë frutash. Suplementet natyrale të aminoacideve të merren çdo ditë me vakte dhe të paktën dy litra ujë.

Shembuj të ushqimit:

▪ mëngjesi – smoothie frutash, omëletë me djathë, sallatë pule dhe fruta sipas zgjedhjes suaj, sallatë me ton dhe fruta sipas dëshirës tuaj
▪ dreka – biftek pule dhe sallatë sipas dëshirës, rizoto pule ose viçi dhe sallatë e zgjedhur, hamburger pule me oriz dhe sallatë, salmon dhe sallatë
▪ darka – biftek dhe sallatë, peshk dhe sallatë sipas dëshirës tuaj, rizoto dhe sallatë me ushqim deti, pulë ose gjeldeti dhe sallatë kungulleshe.

Për desert mund të hani:

▪ komposto frutash pa sheqer
▪ thekë shtëpie të ëmbëltuar me kanellë.

Dietën e liposuksionit mund ta praktikoni edhe vetë, duke ndjekur menynë dhe ushqimet e lejuara. Megjithatë, duhet të jeni shumë të kujdesshëm dhe të konsultoheni me një ekspert, sepse një ndryshim i papritur në dietë dhe stilin e jetesës mund të ndikojë në të gjitha aspektet e shëndetit. Kjo është veçanërisht e vërtetë për njerëzit që vuajnë nga sëmundje ose çrregullime kronike. /Telegrafi/