Dielli është në minimumin e aktivitetit të tij, shfaqen dy njolla të çuditshme

Edhe pse dielli ynë është aktualisht në minimum dhe po kalon një periudhë pasiviteti më të madh në njëqind vitet e fundit, fillimi i një cikli të ri të 25-të diellor ngadalë po del në dritë.

Cikli diellor ose cikli i aktivitetit magnetik të diellit është një ndryshim periodik në aktivitetin diellor që ndodh afërsisht çdo 11 vjet.

Dy pika interesante

Tre ditë më parë, ekspertët vunë re diçka shumë interesante në lidhje me diellin – dy pika dielli në hemisferën jugore që janë nga cikle diellore krejtësisht të ndryshme.

Në imazhin e publikuar nga NASA, mund të shihet se një vend (AR2760) i përket ciklit diellor të vjetër, të 24-të, ndërsa tjetri (AR2761) i përket ciklit të ri, 25-të diellor. Ne e dimë këtë sepse ata kanë një polaritet magnetik të ndryshëm: AR2760 është +/- dhe AR2761 është – / +.

Ky fenomen nuk është aq i rrallë. Ciklet diellore gjithnjë mbivendosin kufijtë e tyre, kjo është arsyeja pse dielli, gjatë minimumit të tij, di të ketë një përzierje të cikleve të vjetra dhe të reja. Sidoqoftë, është e rrallë që dy rajone aktive të polariteteve të ndryshme të shfaqen njëkohësisht. /Telegrafi/