Dhimbje të gjinjve, fshikëz të dobët, gjakrrjedhje të madhe: Situatat më të zakonshme që ju shkaktojnë problem pas lindjes

Nëntë muajt e shtatzënisë dhe të gjitha sfidat që pasojnë kapërcehen disi, sepse shumica e grave janë të fokusuara që gjithçka të shkojë mirë në lindje

Nga ana tjetër, shumica e atyre që kanë lindur tashmë janë dakord se vetëm pas lindjes i ndjekin shqetësimet, vetëm se për to flitet më pak, transmeton Telegrafi.

Dhe meqenëse pak kush paralajmëron për to, sepse e gjithë vëmendja përqendrohet rreth lindjes së fëmijës, është mirë të dini se çfarë mund të prisni:

Thithat tuaja mund të rrjedhin gjak

Thithat tuaja do të jenë të thata, të plasaritura dhe do t’ju dhembin. Përveç kësaj, ndoshta do të ndieni dhimbje të tmerrshme kur fëmija juaj duhet të thithë. Nëse dhimbja është e fortë dhe zgjat për një kohë të gjatë, kërkoni këshillën e mjekut.

Do të ndiheni të shqetësuara

Do ta doni fëmijën tuaj, por ndonjëherë do të ndieni se duhet të bëni gjithçka. Nuk do të merrni ndihmën që ju nevojitet nga anëtarët e familjes apo nga partneri, nëse nuk jeni shumë të qartë për atë që dëshironi dhe nuk keni energji për ta bërë atë.

Në vend të kësaj, do të ndiheni si shërbëtore e foshnjës suaj e cila ha dhe fle dhe ndonjëherë do t’ju mungojë jeta juaj e mëparshme. Është mjaft konfuze sepse ju dëshironi të bëheni nënë, e doni fëmijën tuaj dhe keni pritur kaq gjatë ardhjen e tij dhe befas dëshironi të pushoni për një moment prej tij. Do ta urreni partnerin, sepse ndryshe nga ju, ai ka ende “jete”.

Hemorroidet

Nevoja e parë e madhe pas lindjes mund të jetë i rëndë, por ndonjëherë mund të jetë aq e rëndë saqë keni frikë ta bëni dhe mund të kalojnë dhjetë ditë pa e bërë atë Nëse keni probleme me mungesën e urinimit dhe mendoni se hemorroidet po zhvillohen, vizitoni mjekun tuaj. Nuk ka nevojë të vuash as kaq.

Urinimi

Fshikëza juaj dobësohet pas lindjes dhe ndoshta do të harroni të shkoni në tualet sepse do të mendoni se fshikëza juaj është po aq e fortë sa ka qenë dikur. Sapo të ndjeni simptomat e para të shkuarjes në tualet, mos prisni sepse mund të ndodhë një telashe. Ushtrimet e Kegelit mund të ndihmojnë në këtë problem, por nëse situata nuk përmirësohet pas një kohe, bisedoni me mjekun.

Mund të infektoheni

Ju rrjedh gjak për të paktën një muaj pas lindjes dhe asgjë nuk mund të hyjë në vagjinën tuaj për gjashtë javë, veçanërisht nëse keni pasur një lindje vagjinale. Kështu që ju mund të gjakosni ose të përdorni diçka për të mbrojtur rrobat tuaja, dhe kjo nuk i jep vagjinës tuaj shumë hapësirë për të marrë frymë. Mund të merrni një infeksion ose skuqje nga lagështia, pavarësisht se sa shpesh i ndërroni të brendshmet ose brekët. Nënat gjidhënëse zakonisht rrjedhin më shumë gjak, por me kalimin e kohës gjithçka bëhet më e lehtë.

Për seks nuk bëhet fjalë

Intimiteti me partnerin ndoshta nuk do të jetë në mendjen tuaj për herë të parë pas lindjes, por nëse ende dëshironi, dijeni se do t’ju duhet kontracepsion. Dhe derisa të kthehen menstruacionet, është e mundur që ndërkohë të mbeteni shtatzënë. E mira është se pavarësisht nga shqetësimet e mëdha që ndjeni, të gjitha këto shqetësime do të kalojnë shpejt, mjafton t’i jepni trupit tuaj kohë të rikuperohet. /Telegrafi/