Në një incident tragjik, një grua 29-vjeçare nga Kentucky që priste të martohej vdiq nga komplikimet e shkaktuara nga COVID-19.

Dhe siç vënë në pah mediat e huaja, përcjell Telegrafi, e gjitha ndodhi pasi ajo hezitoi të vaksinohej kundër virusit vdekjeprurës duke menduar se mund të ndikojë në pjellorinë e saj.

Si pasojë, Samantha Wendell vdiq pasi u infektua me coronavirus.

Familja u tha mediave se ajo vendosi të mos vaksinohej pasi disa nga kolegët e saj i thanë për çështjet e infertilitetit pas vaksinimit COVID-19.

Sidoqoftë, “Samantha, pavarësisht hezitimit për problemet e fertilitetit pas vaksinimit, kishte planifikuar të merrte vaksinën. Por vetëm disa ditë para terminit të saj, ajo filloi të ndihej keq, gjë që më vonë doli të ishte Covid-19”.

Familja e Samantës citohet të ketë thënë: “Dezinformatat e vranë”.

Duke folur për mediat, familja tha se Samantha i kaloi ditët e fundit në “oksigjeno-terapi” dhe para se të futej në Kujdes Intensiv ajo kishte pyetur mjekun nëse mund të merrte vaksinën.

Por atëherë ishte tepër vonë për të.

Pas incidentit, familja e Samantës tani po u kërkon të gjithëve që të vaksinohen sa më shpejt që të jetë e mundur.

Ndryshe, ndërsa rastet po rriten në të gjithë globin pas shpërthimit të variantit Delta të COVID-19, ekspertët kanë sugjeruar që vetëm marrja e vaksinave mund të mbrojë një individ nga sulmi vdekjeprurës i virusit.

Por a mund të çojnë vaksinat në infertilitet?

Sipas TheHealthSite, përcjell Telegrafi, sipas CDC vaksinat nuk çojnë në çështje të infertilitetit tek burrat ose gratë.

“Aktualisht nuk ka asnjë provë që as vaksina kundër Covid-19 ose ndonjë vaksinë tjetër shkakton probleme të fertilitetit tek burrat ose gratë”, shkroi CDC në një deklaratë më herët.

Në një studim të fundit, ekspertët gjithashtu deklaruan se vaksinat kundër COVID-19 janë të sigurta dhe efektive për gratë shtatzëna dhe ato që po planifikojnë të mbeten shtatzënë.

Për më tepër, për të frenuar mitin e përhapur në lidhje me infertilitetin për shkak të vaksinimit Covid-19, Ministria Indiane e Shëndetësisë ka deklaruar se nuk ka prova shkencore që sugjerojnë infertilitet për shkak të vaksinave të coronavirusit. /Telegrafi/