Derisa po rikuperohet nga operacioni, Adriana Matoshi falënderon të gjithë për thirrjet e mesazhet

Aktorja e njohur nga Gjilani, Adriana Matoshi, pak ditë më parë u lirua nga spitali pas një ndërhyrje që bëri në kokë.

Ajo ditë më parë iu nënshtrua një operacioni në tru, meqenëse njoftoi se iu rikthye tumori pas nëntë vitesh.

Në këtë periudhë të vështirë, deputetja e LVV-së ka falënderuar të gjithë që po interesohen për shëndetin e saj.

E njëjta shton se më shumë është duke pushuar dhe për këtë është e pamundur që t’i kthejë të gjitha mesazhet.

Lexo po ashtu Adriana Matoshi reagon për herë të parë pas operimit në tru: Fuqia e Zotit, lutjet e juaja dhe përkushtimi i mjekëve më rikthyen sërish në jetë

“Faleminderit që po më shkruani e po më thërrisni me më pyet për shëndetin. Më shumë po rri duke fjetur e duke pushuar, shumë pak në telefon edhe është e pamundur që t’i hap të gjitha mesazhet”, ka thënë Matoshi në një postim të shpërndarë në InstaStory.

“Ma bëni hallall. E di që po më kupton edhe nga brendësia e shpirtit iu jam mirënjohëse e shumë falënderuese. Zoti ju ruajt e ju dashtë”, vazhdoi më tej ajo.

View this post on Instagram

A post shared by Adriana Matoshi (@adrianamatoshi)

Duhet theksuar se Adriana u diagnostikua për herë të parë me tumor në tru në vitin 2012, kur ishte shtatzënë me fëmijën e katërt. /Telegrafi/