Derbi i Ligës së Kampionëve: Bayern Munich – Atletico Madrid, formacionet e mundshme, analizë dhe parashikimi i rezultatit

Bayern Munich do të fillojë fazën e grupeve të edicionit të ri të Ligës së Kampionëve përballë Atletico Madridit.

Ndeshja që luhet në Allianz Arena fillon sonte nga ora 21:00, e që do të jetë përballja më interesante.

Për këtë sfidë, kampioni në fuqi i garës më të madhe për klube në Evropë do të jetë pa Leroy Sanen, Malik Tillman, Nicolas Feldhahn, Tanguy Kouassi, që janë të lënduar, Serge Gnabry është i infektuar me coronavirus, derisa Joshua Kimmich mbetet në dilemë të paraqitet për arsye personale.

Në anën tjetër, Diego Simeone nuk mund të llogarisë në lojtarët si, Diego Costa, Jose Gimenez, Saul Nigues dhe Sime Vrsaljko që janë të lënduar.

Statistika

Robert Lewandowski ishte golashënuesi më i mirë i edicionit të kaluar në Ligën e Kampionëve, duke shënuar 15 gola. Luis Suarez që kaloi në këtë verë te Los Rojiblanco nga Barcelona realizoi pesë sosh.

Mbrojtësi i majtë i Bavarezëve, Herandez ka luajtur në total 100 ndeshje për Atleticon – duke fituar Ligën e Evropës dhe Superkupën e Evropës, para se të kalonte në Allianz Arena.

Bayern Munichu dhe Arletico Madridi ishin takuar në një finale në vitin 1974, atëherë kur gara kishte emrin Kupa Evropiane. Në përballjet e tyre që i kanë pasur ndër vite: klubi gjerman ka tri fitore, dy për Atleticon dhe një barazim.

Lojtari që duhet shikuar: Robert Lewandowski

Sulmuesi polak është një lojtar mjaftë i rrezikshëm dhe vëmendje do të jetë pikërisht tek ai, pas 15 golave të shënuara në edicionin e kaluar, duke ndihmuar skuadrën gjerman që të fitojë tripletën po ashtu.

Parashikimi: Bayern Munich pritet të mposhtë Atletico Madridin me rezultat 1-0

Formacioni i mundshëm i Bayernit: Neuer; Pavard, Sule, Alaba, Davies; Kimmich, Goretzka; Gnabry, Muller, Coman; Lewandowski.

Formacioni i mundshëm i Atleticos: Oblak; Trippier, Savic, Felipe, Lodi; Correa, Koke, Torreira, Saul; Felix, Suarez. /Telegrafi/