Der Standard: OBRM-PDUKM i ka prishur marrëdhëniet me Partinë Popullore Evropiane

Kriza në partinë e opozitare nacional-konservatore OBRM-PDUKM ka eskaluar, shkruan gazeta austriake “Der Standard” në edicionin e saj të fundjavës, duke iu referuar zhvillimeve më të fundit në kampin e partisë maqedonase.

Gazeta austriake shkruan se OBRM-PDUKM që nga viti 2006 deri në vitin 2017 ishte në pushtet para se të binte në krizë për shkak të abuzimit me funksionet, por edhe pas dy vitesh nuk u reformua për një fillim të ri. Ish-kryeministri Nikolla Gruevski më së voni deri më 8 nëntor duhet të paraqitet për mbajtjen e burgut dy vjeçar për blerjen në mënyrë ilegale të mercedesit të shtrenjtë, përcjell “Faktor”.

Gjithashtu “Der Standard” shkruan se Gruevski është i dyshuar për pranimin e donacioneve të paligjshme nga miliona dollarë dhe investimet e tyre në blerjen e pasurive të patundshme, ku shtojnë se OBRM është e ndarë thellë, jo vetëm për shkak të veprave penale, por edhe në qëndrimin e saj ideologjike të politikës së jashtme.

“Për shembull, marrëdhëniet me partinë motër, Partia Popullore Evropiane (PPE), janë përkeqësuar. Në fakt, PPE mbështeti zbatimin e mosmarrëveshjes së emrit me Greqinë. Dhe madje edhe brenda Komisionit Evropian, ka pakënaqësi që OBRM-PDUKM është mobilizuar kundër marrëveshjes së Prespës. Pas ndryshimeve kushtetuese që priten të hyjnë në fuqi në janar, pritet ratifikimi i marrëveshjes në Kuvendin grek para zgjedhjeve parlamentare në këtë vend”, shkruan Der Standard./Telegrafi/