LAJMI I FUNDIT:

Deputeti i PDK-së: Kurti po e inkurajon Gashin që ta vazhdojë debatin për UÇK-në nga një pozitë tjetër

Deputeti i PDK-së: Kurti po e inkurajon Gashin që ta vazhdojë debatin për UÇK-në nga një pozitë tjetër

Anëtari i Kryesisë së PDK-së, Betim Gjoshi tha se kryeministri në detyrë Albin Kurti ani pse e shkarkoi këshilltarin Shkëlzen Gashi, ai qëndron mbrapa deklaratave të tij kundër UÇK-së pasi që as nuk u distancua nga to.

“Kryeministri në detyrë, përmes këtij statusi, po tregon se qëndron prapa kësaj makinerie propaganduese që i ushqen me shpifje për të Madhen UÇK. Është pjesë e mendësisë së tyre për të prodhuar dhe shpifur kundër Ushtrisë Çlirimtare të Kosovës edhe atëherë kur duhet të flasin si Sllobodan Millosheviqi, Voisllav Shesheli, Aleksander Vuqiqi, Ivica Daqiqi, Marko Guuriqi, e të tjerë politikanë e kriminelë serbë”, ka shkruar Gjoshi në faqen e tij në Facebook.


Sipas tij, kryeministri në detyrë po e inkurajon këshilltarin apo bashkëpunëtorin e tij që ta vazhdojë debatin nga një pozitë tjetër.

Deklarata e plotë e Betim Gjoshit:

ALBIN K. NUK PO DISTANCOHET NGA DEKLARATAT E KËSHILLTARIT TË TIJ, POR PO E INKURAJON TË VAZHDOJË DEBATIN ME GJUHËN E MILLOSHEVIQIT

Përfundimisht këtyre njerëzve u ka rënë një perde syve dhe e kanë humbur pamjen reale të botës. Në fakt kështu kanë qenë gjithmonë, por tani shqiptarët po i shohin më qartë se kush janë në të vërtetë.

Kryeministri në detyrë, përmes këtij statusi, po tregon se qëndron prapa kësaj makinerie propaganduese që i ushqen me shpifje për të Madhen UÇK. Është pjesë e mendësisë së tyre për të prodhuar dhe shpifur kundër Ushtrisë Çlirimtare të Kosovës edhe atëherë kur duhet të flasin si Sllobodan Millosheviqi, Voisllav Shesheli, Aleksander Vuqiqi, Ivica Daqiqi, Marko Guuriqi, e të tjerë politikanë e kriminelë serbë.

Duke qenë se qëndron prapa makinerisë propaganduese kundër UÇK-së, ALBIN K. NUK E MERR GUXIMIN AS TË DISTANCOHET NGA DEKLARATAT SKANDALOZE TË KËSHILLTARIT TË TIJ.

Çka është më e rëndë këtu, është se kryeministri në detyrë po e inkurajon këshilltarin apo bashkëpunëtorin e tij, që ta vazhdojë debatin, nga një pozitë tjetër, sigurisht.

Shkarkimi apo fjala e butë që po e përdor Albin K, lirimi nga detyra, nuk e mbyllë këtë çështje.

ALBIN K. E KA NJOHUR SHKËLZEN GASHIN DHE QËNDRIMET E TIJ PREJ VITESH. Të njejten deklaratë, ky këshilltar, e kishte dhënë para disa vitesh, por që u rikthye në vëmendjen e opinionit gjatë kësaj jave që po lëm pas. A bëri diçka Albin K. për këtë? Heshti dhe u shfaq bashkë në konferencë me këtë këshilltar për t’i dhënë mbështetje.

Këtë mbështetje e vazhdojë edhe sot, pa pikën e turpit.

Pa iu dridhur dora Albin K. shkruajti për këshilltarin e tij se E FALENDERON PËR KONTRIBUTIN E DHËNË.

Dhe jo vetëm kaq! Kryeministri në detyrë po na tregon se këtë këshilltar E ÇMON PËR MENDIMIN KRITIK.

KRYEMINISTRIN PO E GËNJEN NDËRDIJA, sepse ai në fakt nuk po mundet ta fshehë se sa i çmon mendimet kundër Ushtrisë Çlirimtare të Kosovës.

Në trend Lajme

Më shumë
Anëtarësimi i Kosovës në KiE, Knaus: Disa shtete, përfshirë Francën e Gjermaninë po përgatiten ta bllokojnë votimin në maj

Anëtarësimi i Kosovës në KiE, Knaus: Disa shtete, përfshirë Francën e Gjermaninë po përgatiten ta bllokojnë votimin në maj

Lajme
Fruti i pasionit mbillet në Shkodër - Familja Ndoja nga 1 dynym, sot mbjell 15 hektarë

Fruti i pasionit mbillet në Shkodër - Familja Ndoja nga 1 dynym, sot mbjell 15 hektarë

Lajme
Boshnjaku nga Novi Pazari gjendet i vdekur në një hotel në Prizren

Boshnjaku nga Novi Pazari gjendet i vdekur në një hotel në Prizren

Kronika e Zezë
Në Gjakovë zbulohet monumenti i Skënderbeut

Në Gjakovë zbulohet monumenti i Skënderbeut

Lajme
Rusët i futen tregut të pronave në Shqipëri, zyra biznesi në zonat bregdetare

Rusët i futen tregut të pronave në Shqipëri, zyra biznesi në zonat bregdetare

Lajme
Voziti me fëmijë në prehër - policia e dënon me 400 euro gjobë, 5 pikë negative dhe i merret patent shoferi për 6 muaj

Voziti me fëmijë në prehër - policia e dënon me 400 euro gjobë, 5 pikë negative dhe i merret patent shoferi për 6 muaj

Lajme
Kalo në kategori