Komisioni Shtetëror Zgjedhor (KSHZ) dje (16 korrik) doli me rezultatet e para jo-zyrtare për zgjedhjet e 15 korrikut në Maqedoninë e Veriut, duke treguar se të drejtën e votës e kanë përdorur 931,369 qytetarë nga 1,814,045 votues. Me përqindje, kjo i bie se kanë votuar 51.34% e qytetarëve, njofton Telegrafi Maqedoni.

Partia fituese e zgjedhjeve tek shqiptarët është Bashkimi Demokratik për Integrim (BDI), ndërsa të dytët dolën Aleanca për shqiptarët dhe Alternativa si pjesë e koalicionit “Tash është Koha”. Lëvizja Besa ka qenë pjesë e koalicionit “Mundemi” së bashku me LSDM-në e Zoran Zaevit dhe shumë parti tjera maqedonase. Telegrafi Maqedoni ju sjell listën e deputetëve shqiptarë të zgjedhur të këtij koalicioni në 3 zona zgjedhore.

Zona 1:
7. Kastriot Rexhepi – Lëvizja Besa

Zona 2:
3. Muhamed Zekiri – LSDM
7. Bastri Bajrami – Lëvizja Besa

Zona 6:
1. Bilall Kasami – Lëvizja Besa
4. Fadil Zendeli – Lëvizja Besa

Në këto zgjedhje numri i deputetëve shqiptar është më i madh. Historik për të gjithë zgjedhjet në Maqedoni. Si asnjëherë më parë, partitë shqiptare kanë 33 deputetë. BDI 15, ASH/AAA 12, Besa 4, LSDM 1, PDSH 1 . Kujtojmë se numri më i madh ndonjëherë i deputetëve në Kuvendin e Maqedonisë ka arritur deri në 30 deputetë. /Telegrafi/