Gjykata Themelore në Gjakovë, të mërkurën, e ka dënuar me një vit burgim me kusht ish-kryesuesin e Komisionit Zgjedhor të një vendvotimi në Malishevë, Shefqet Zogaj, i akuzuar për falsifikim të rezultatit të votimit në zgjedhjet e parakohshme të vitit 2017.
Sipas aktgjykimit të shpallur nga gjykatësit Drilon Haraçia, dënimi me burgim ndaj të akuzuarit nuk do të ekzekutohet, nëse i njëjti nuk kryen vepër tjetër penale brenda periudhës verifikuese prej dy vitesh.
Ndaj të njëjtit janë shqiptuar edhe dënimet plotësuese, përkatësisht heqja e të drejtës për t’u zgjedhur, si dhe ndalimi i ushtrimit të profesionit, veprimtarisë ose detyrës, ashtu që i ndalohet e drejta për t`u zgjedhur si kandidat në zgjedhjet lokale apo qendrore të Republikës së Kosovës, si dhe i ndalohet ushtrimi i detyrës që të merr pjesë si vëzhgues, kryesues, komisionar apo pozita të tjera të organizuara nga KQZ-ja në kohëzgjatje prej 4 vitesh.
Ndryshe, aktgjykimi është shpallur një ditë pasi i akuzuari Zogaj e ka pranuar fajësinë për veprën penale me të cilën ngarkohet, në seancën fillestare të mbajtur më 20 prill 2021.
Sipas aktakuzës së Prokurorisë Themelore në Gjakovë, e ngritur më 17 mars 2021, Shefqet Zogaj po ngarkohet me veprën penale “falsifikimi i rezultatit të votimit” nga neni 219, paragrafi 2-1 të KPRK-së, raporton Betimi për Drejtësi.
Sipas aktakuzës, më 11 qershor 2017, në fshatin Burim të Komunës së Malishevës, pas mbylljes së vendvotimeve pas orës 19:00, duke keqpërdorur pozitën apo autorizimet e tij lidhur me zgjedhjet, ka regjistruar në mënyrë të pasaktë rezultatet e zgjedhjeve në dokumentet zgjedhore.
Tutje sipas aktakuzës, ai këtë e ka bërë në atë mënyrë që ditën kritike, i cili ishte i autorizuar nga KQZ në zgjedhjet e parakohshme për Kuvendin e Republikës së Kosovës, si kryesues i Komisionit Zgjedhor në vendvotimin që gjendej në shkollën “18 Prilli”, pikërisht pas numërimit të votave në Formularin e Rezultateve të Kandidatëve, në kundërshtim me Ligjin për Zgjedhjet e Përgjithshme në Republikën e Kosovës, ka regjistruar në mënyrë jo të saktë brenda një subjekti politik ka hequr votat e disa kandidatëve dhe ka shënuar disa kandidatë tjerë, duke regjistruar 86 vota, prej tyre 66 vota të shtuara dhe 20 vota të hequra, më ç’rast me gjithsej 86 vota i ka dëmtuar kandidatët e ndryshëm brenda subjekteve politike për zgjedhjet e përgjithshme.
Promo
Reklamo këtuLufta Prigozhin - Putin
Më shumëTension në Kuvend mes PDK-së e LVV-së, Shala ia ndalon fjalën Kusari-Lilës – nënkryetarja thërret sigurimin
“Ju kemi njohur para lufte...ju njohim edhe tash”, Haxhiu, opozitës: Milionerë nuk ishit, jeni bërë vetëm duke qenë në qeveri
Vrasja e Liridona Ademajt - edhe dy muaj paraburgim për Naim Murselin dhe dy të tjerët, i dyshuari i katërt mbrohet në liri
Siljanovska: Nuk do t'i largojë tabelat Maqedonia e Veriut, dhe do ta përdor vetëm Maqedonia
Murati i përgjigjet opozitës: Në raportin e DASH-it ka përgjysmim të korrupsionit me këtë Qeveri
Britania e Madhe kërkon t’i kushtohet më shumë vëmendje rreziqeve të konfliktit në Ballkan
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
UEFA zbulon lojtarin më të shpejtë për këtë edicion në Ligën e Kampionëve
Zyrtare: Bundesliga me pesë skuadra në Champions duke iu falënderuar Dortmundit
A di të ndalet ky Ronaldo? Çfarë goli me këmbën e majtë
Mohamed Salah thyen heshtjen në rrjetet sociale pas përplasjes që kishte me Jurgen Klopp
Të gjithë po pyesin për ritualin e Bellingham para çdo ndeshjeje – anglezi shpjegon përse e bën
Bajrami: Jam i gatshëm ta ndihmoj Kurtin në procesin e Asociacionit