Demokratët e Kongresit amerikan do të tentojnë të largojnë nga zyra presidentin amerikan, Donald Trump këtë javë, ose duke i bërë presion nënpresidentit, Mike Pence dhe kabinetit të tij që të përdorin fuqitë kushtetuese, apo përmes procesit të shkarkimit në Kongres.
Udhëheqësja e Dhomës së Përfaqësuesve, Nancy Pelosi ka bërë këtë njoftim përmes një letre të nisur drejt ligjvënësve më 10 janar, ndërkohë që presidenti përballet me presion në rritje dhe izolim në ditët e fundit në Shtëpinë e Bardhë, për shkak të rolit të tij në sulmin që i është bërë Kongresit.
Dhoma e Përfaqësuesve, e kontrolluar nga demokratët, do të prezantojë më 11 janar një rezolutë, përmes së cilës i bëhet thirrje nënpresidentit Mike Pence “që të mobilizojë kabinetin dhe të aktivizojë Amendamentin e 25-të, për të shpallur presidentin të paaftë për të kryer detyrat që i takojnë”, ka thënë Pelosi.
Nëse Pence nuk përgjigjet brenda 24 orëve, demokratët do të nisin procedurat e shkarkimit, ka thënë Pelosi.
Në rezolutë, Trump akuzohet për rritje të presionit ndaj zyrtarëve zgjedhorë për të përmbysur rezultatin zgjedhor, si dhe për inkurajim të mbështetësve të tij që dhunshëm të hyjnë në Kongres më 6 janar.
Si pasojë e këtij incidenti pesë persona kanë mbetur të vdekur, përfshirë një zyrtar policor.
“Për të mbrojtur Kushtetutën dhe demokracinë tonë, ne do të veprojmë me urgjencë, sepse ky president përbën kërcënim për të dyja”, ka thënë Pelosi.
“Teksa ditët ecin, tmerri i sulmit të organizuar nga ky president është rritur dhe ka nevojë urgjente për veprim”.
Republikanët pritet të bllokojnë rezolutën në një sesion joformal në Dhomën e Përfaqësuesve më 11 janar.
Nëse republikanët kundërshtojnë rezolutën, më pas ky trup do të zhvillojë një sesion zyrtar me proces votimi më 12 janar, bazuar në deklaratat e Pelosit.
Aty pritet që kërkesa të miratohet, meqë demokratët kontrollojnë Dhomën e Përfaqësuesve.
Pence, i cili raportohet të mos ketë folur me presidentin prej sulmit në Kongres, besohet se kundërshton aplikimin e Amendametit të 25-të, kanë thënë këshilltarët e tij.
Po ashtu nuk dihet nëse shfrytëzimi i kësaj pike të kushtetutës do të kishte mbështetje nga pjesëtarët e kabinetit.
Përveç kërkesës ndaj Pencit, demokratët e Dhomës së Përfaqësuesve pritet të prezantojnë më 11 janar edhe artikujt për shkarkim.
Nëse Pence nuk përgjigjet, më pas Dhoma e Përfaqësuesve do të nisë debatin për shkarkim dhe do të kryente procesin e votimit më 13 apo 14 janar.
Kjo masë ka mbështetjen e më shumë se 200 demokratëve dhe pritet të miratohet duke e bërë Trumpin presidentin e parë, ndaj të cilit nisen dy herë procedurat për shkarkim.
Në draftin e dy artikujve për shkarkim, demokratët akuzojnë presidentin amerikan për inkurajim të mbështetëve të tij për të sulmuar Kongresin.
Në artikuj Trump akuzohet edhe për pengim të certifikimit të rezultat zgjedhor.
Largimi i Trumpit nga zyra përmes procesit të shkarkimit do të ishte tejet i vështirë në një periudhë kaq të shkurtër kohore, para se të përfundojë mandati i tij.
Edhe nëse Dhoma e Përfaqësuesve nis procedurat për shkarkim, akuzat duhet të paraqiten edhe para Senatit.
Të 100 senatorët duhet të pajtohen për të nisur më herët punimet para 19 janarit, ashtu që të zhvillohet gjykimi, skenar që ka pak mundësi të realizohet.
Lideri i shumicës në Senat, Mitch McConnell u ka nisur letër senatorëve republikanë më 9 janar, duke sugjeruar se asnjë gjykim nuk do të nisë derisa Trump të largohet nga zyra më 20 janar.
Dënimi nga Senati kërkon dy të tretat e votave. Kjo nënkupton se të paktën 17 senatorë republikanë duhet t’iu bashkohen demokratëve për të dënuar presidentin.
Deri më tani, vetëm dy senatorë republikanë kanë shprehur mbështetje të plotë për largim të presidentit, Pat Toomey dhe Lisa Murkowski. /REL/
Lufta Prigozhin - Putin
Më shumëNga Rubrika
Sunak do të shpallë paketën më të madhe të ndihmës ushtarake të Mbretërisë së Bashkuar për Ukrainën
Kryeministri australian e quan Elon Musk një ‘miliarder arrogant’, në një përplasje rreth pamjeve të sulmit me thikë në kishë
Gjermania arreston punonjësin e Parlamentit të BE-së për pretendimet se ka spiunuar për Kinën
Pamje të Dubait nga hapësira – ja si dukej, para dhe pas përmbytjeve
Ukrainasit pretendojnë se shkatërruan 314 tanke dhe autoblinda ruse gjatë betejës gjashtëmujore për Novomykhailivkan
Gjermania arreston punonjësin e Parlamentit të BE-së për pretendimet se ka spiunuar për Kinën
Si Izraeli përdori dronët për të ngatërruar mbrojtjen ajrore iraniane përpara se të "gjuante raketat supersonike Rampage" - një sulm preciz që heshti Teheranin
Ministri i Jashtëm rus shpalos një nga planet kryesore të Putinit
Dhjetë të vdekur – momenti i përplasjes së dy helikopterëve, gjatë provave ushtarake në Malajzi
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
E jotja është mu koncentru, e karriges Gaming me t’rahatu
Karrige që ta relakson mendjen dhe trupin
Knaqja zemrën vetit: Bli fustanin me zbritje në Melodia Px
Autobusi bon me t’ik, a kjo bluzë me zbritje hiç kërqysh!
Sako nga MelodiaPx që t’shton vetëbesim!
Më të lexuarat
Si Izraeli përdori dronët për të ngatërruar mbrojtjen ajrore iraniane përpara se të "gjuante raketat supersonike Rampage" - një sulm preciz që heshti Teheranin
Kryesuesja në KS të OKB-së përplaset ashpër me Vuçiqin për minutat e fjalimit
Përplasja e SHBA-së me Rusinë në KS të OKB-së: Nuk mund të ndryshoni historinë e intervenimit të NATO-s në Kosovë
Gjykimi për vrasjen e trefishtë në Gllogjan, dëshmitari tregon se çka i kishte thënë i akuzuari në natën kritike
Katër të mbijetuara të luftës nuk u lejuan të futeshin në sallën e KS të OKB-së, Osmani refuzoi pjesëmarrjen derisa lëshoi pe protokolli
"Ndoshta pse jam shqiptare", Dua Lipa zbulon një talent sekret që ka të bëjë me prejardhjen e saj