Javën që po lëmë pas për vizitë në vendin tonë ishin i dërguari i Shteteve të Bashkuara të Amerikës, Gabriel Escobar dhe ai i Bashkimit Evropian, Miroslav Lajçak për dialogun Kosovë-Serbi, ndërsa të tjera ata u deklaruan edhe për Asociacionin e komunave me shumicë serbe.

Të enjten Milan Radojçiq, i cili ishte shpallur në kërkim nga Policia dje ka arritur të arratiset nga pika kufitare me Serbinë, në Bërnjak.

Po javën që po lëmë pas, saktësisht të premten, ambasadorja e Francës në Kosovë, Marie-Christine Butel në një intervistë ekskluzive për Telegrafin ka folur për marrëdhëniet Kosovë-Francë, për çështjen e liberalizimit të vizave, vlerësimin e saj për punën e Qeverisë Kurti si dhe marrëveshjen finale Kosovë-Serbi.

Reklama

Asociacioni i komunave me shumicë serbe, SHBA dhe BE nuk do të imponojnë zgjidhje – mund të gjenden modele që nuk e cenojnë pavarësinë

Reklama

I dërguari i Shteteve të Bashkuara të Amerikës, Gabriel Escobar dhe ai i Bashkimit Evropian, Miroslav Lajçak për dialogun Kosovë-Serbi nga e hëna deri të mërkurën pasdite kanë qëndruar në Prishtinë, ku janë takuar me krerët e shtetit, liderët opozitar dhe shoqërinë civile.

Pas përfundimit të takimeve dy të dërguarit për dialogun kanë mbajtur një konferencë për media, në të cilën ndër të tjera u fol edhe për Asociacionin e komunave me shumicë serbe.

I dërguari i SHBA-së, Escobar theksoi se SHBA mbështet fuqishëm sovranitetin e Kosovës dhe se duhet të gjenden modele që nuk dëmtojnë sovranitetin dhe funksionalitetin e Kosovës.

Reklama

“Ne nuk jemi pjesë e dialogut nuk jemi pjesë e negociatave por siç tha z.Lajcak ne besojmë që të gjitha marrëveshjet e arritura duhet të zbatohen, megjithatë ne nuk kemi ardhur këtu me ndonjë propozim se çfarë duam të imponojmë, ne po u kërkojmë të dyja palëve të tregohen konstruktive dhe të na tregojnë vizionet e tyre sesi duhet të duket Asocioacioni dhe të vazhdojmë nga aty brenda kornizës së dialogut”, tha Escobar.

Reklama
Asociacioni i komunave me shumicë serbe, SHBA dhe BE nuk do të imponojnë zgjidhje – mund të gjenden modele që nuk e cenojnë pavarësinë Asociacioni i komunave me shumicë serbe, SHBA dhe BE nuk do të imponojnë zgjidhje – mund të gjenden modele që nuk e cenojnë pavarësinë

Ai shtoi se kur ka përmendur që ka shumë opsione për krijimin e Asociacionit, nuk ka përmendur që të jetë një model që mund të dëmtoj sovranitetin e Kosovës.

Reklama

“Ajo çfarë kam thënë kur kam thënë që ka shumë opsione më krijimin e një Asociacioni, ka qenë për të thënë se nuk është e thënë që të jenë modele që dëmtojnë sovranitetin apo funksionalitetin e Kosovës.  Duhet të gjendet një prej modaliteteve që nuk e cenojnë pavarësinë”, tha Escobar.

“Ne duhet ta tejkalojmë dialogun dhe të shkojmë në një pozitë ku të gjitha vendet ta njohin njëri tjetrin, janë në paqe dhe janë në rrugë drejt integrimit në BE”, tha ai.

I dërguari special i Bashkimit Evropian për dialogun Kosovë-Serbi, Miroslav Lajçak ka thënë se Kosova është palë e barabartë në dialog dhe se nuk duhet t’i frikësohet krijimit të Asociacionit të komunave me shumicë serbe.

Reklama
Reklama

Lajçak më tej theksoi se askush nuk e dëshiron një “republikë serbe” në Kosovë.

“Nuk përjashtojmë asnjë rezultat. Nuk imponojmë asnjë rezultat. I takon Kosovës dhe Serbisë të bien dakord se cili do të jetë ai rezultat përfundimtar”, tha ai, duke shtuar se mandati i tij është lehtësimi i një marrëveshje gjithëpërfshirëse për normalizim të marrëdhënieve Kosovë-Serbi.

“Kosova është palë e barabartë në dialog… që nënkupton se asgjë nuk mund t’i imponohet Kosovën pa dakordimin për të. Unë dëgjoj shpesh shprehjen se nuk duam një ‘Republikë të dytë serbe’ në Kosovë dhe besoj se e kemi bërë të qartë shumë herë se askush nuk e dëshiron këtë”, ishte shprehur Lajçak.

Reklama

Ai tha se ka një parim universal që thotë se marrëveshjet që janë dakorduar duhet të zbatohen. “Po e themi në Prishtinë, dhe kemi thënë në Beograd…Keni zbatuar shumë prej tyre, por ka diçka që nuk e keni zbatuar, si për shembull Asociacionin”, shtoi tutje ai.

Reklama

“Por pse të mos e ndryshojmë narrativën, në vend se të themi çka nuk duam, pse të mos themi çka duam…Këshilla ime është mos u frikësoni nga diçka që nuk ekziston, askush nuk do t’ua imponoj këtë… keni vetëbesim… Nuk ka asnjë arsye të frikësoheni…”, ka thënë i dërguari i BE-së për dialogun.

Butel për liberalizimin e vizave: Franca konsideron se në këtë fazë ende nuk janë plotësuar të gjitha kushtet e kërkuara

Reklama

Ambasadorja e Francës në Kosovë, Marie-Christine Butel në një intervistë ekskluzive për Telegrafin ka folur për marrëdhëniet Kosovë-Francë, për çështjen e liberalizimit të vizave, vlerësimin e saj për punën e Qeverisë Kurti si dhe marrëveshjen finale Kosovë-Serbi.

Ambasadorja Butel në këtë intervistë speciale ka thënë se Franca është ndër vendet e para që ka njohur pavarësinë e Kosovës dhe vendi që ka ndihmuar qytetarët e saj në vitin 1999.

Reklama

Ajo ka thënë se qeveria ka një  shumicë solide, që i mundëson të kryejë reformat që i duhen vendit.

Ekskluzive, Butel për liberalizimin e vizave: Franca konsideron se në këtë fazë ende nuk janë plotësuar të gjitha kushtet e kërkuara Ekskluzive, Butel për liberalizimin e vizave: Franca konsideron se në këtë fazë ende nuk janë plotësuar të gjitha kushtet e kërkuara

Sa i përket çështjes se liberalizimit të vizave për Kosovën dhe hezitimit të shtetit të saj, ajo ka thënë se Franca konsideron, së bashku me disa shtete të tjera anëtare, se të gjitha kushtet e kërkuara nuk janë plotësuar ende krejtësisht në këtë fazë.

Reklama

Prandaj, sipas saj mbeten të vëmendshëm ndaj zhvillimeve sa i përket sundimit të ligjit si dhe luftës kundër korrupsionit dhe aktiviteteve të krimit të organizuar në Kosovë.

Milan Radojiçiq u iku nga “duart” policëve të Kosovës në Bërnjak

Milan Radojçiq, i cili ishte shpallur në kërkim nga Policia ka arritur të arratiset nga pika kufitare me Serbinë, në Bërnjak.

Reklama

Rasti ka ndodhur të enjten, më 3 shkurt rreth orës 15:40, ndërsa për këtë Inspektorati Policor i Kosovës ka rekomanduar suspendimin e tre policëve.

Për rastin e ikjes së Radojçiqit, Inspektorati Policor i Kosovës ka rekomanduar suspendimin e tre zyrtarëve policor.

Reklama

E lidhur me rastin e ikjes së Radojçiqit ka reaguar Policia e Kosovës, e cila theksoi se duke pasur parasysh pikën kufitare të integruar si pikë kufitare e përbashkët dhe mundësisë për të kaluar shpejtë në pjesën e Serbisë, zyrtarët policorë nuk kanë arritur që ta ndalojnë.

“Më datë 03.02.2022 në orët e pasdites, në pikë kalimin kufitar Bërnjak, nga drejtimi i Serbisë për të hyrë në Republikën e Kosovës, ka ardhur një automjet në të cilin kanë qenë personi M.R. mashkull serb së bashku me një bashkudhëtar.

Reklama
Policia konfirmon se Milan Radojiçiq iku me veturë nga Bërnjaku Policia konfirmon se Milan Radojiçiq iku me veturë nga Bërnjaku

Zyrtarët kufitar sipas detyrave dhe procedurave të kontrollit kufitar, kanë ndaluar automjetin dhe kanë filluar procedurat e regjistrimit dhe verifikimit të automjetit dhe personave në automjet.

Gjatë realizimit të detyrave policore, zyrtarët kufitar kanë kërkuar nga personi (vozitësi) që të parkojë automjetin në vend parking, për të vazhduar me procedurat e mëtejme policore, mirëpo vozitësi gjatë parkimit me veturë është larguar me shpejtësi mbrapa në drejtim të territorit të Serbisë”, thuhet në njoftim.

“Duke pasur parasysh pikën kufitare të integruar si pikë kufitare e përbashkët dhe mundësisë për të kaluar shpejtë në pjesën e Serbisë, zyrtarët policorë nuk kanë arritur që ta ndalojnë. Lidhur me rastin është njoftuar prokurori kompetent,  i cili ka rekomanduar të iniciohet rasti pengim i personit zyrtar në kryerje të detyrës.

Reklama

Me qëllim të hetimit të sjelljeve dhe veprimeve të zyrtarëve policorë, Policia e Kosovës sipas detyrës zyrtare ka njoftuar Inspektoratin Policor për hetime dhe kompetencë të mëtejme”, thuhet ndër të tjera në njoftimin e Policisë së Kosovës. /Telegrafi/