Dëgjohen shtatë dëshmitarë në gjykimin për zjarrin në Spitalin Modular në Tetovë
Në seancën e sotme të gjykimit për zjarrin në spitalin modular të Tetovës ku humbën jetën 14 persona, u dëgjuan shtatë dëshmitarë të propozuar nga Prokuroria.
Pyetjeve të prokurorëve, gjyqtarit dhe avokatëve të të akuzuarve dhe të dëmtuarve iu përgjigjën dy mjekë, një infermiere dhe katër persona që shoqëronin pacientët në spitalin modular.
Në dëshmi, dy mjekët Mustafa Tairi dhe Shpenza Arifi Zeqiri dhe infermierja Nadire e punësuar në Spitalin Klinik kanë sqaruar se në mbrëmje ka pasur nevojë për reanimim të një pacienti, një gruaje 21-vjeçare, pas çka në spital ka shpërthyer zjarri i cili më pas edhe u përhap. Ata shpjeguan se çfarë përpjekjesh kanë bërë për të shuar zjarrin, ku dhe si kanë kërkuar ndihmë dhe si janë evakuuar pacientët.
Në pyetjen e prokurorëve dhe avokatëve se çfarë urdhrash kanë marrë mjekët nga mjeku i akuzuar Boban Vuçevski, ata kanë sqaruar se si specialist u ka dhënë udhëzime lidhur me protokollet se si të sillen me pacientët dhe çfarë terapie t’u japin, e nuk e kanë marrëndonjë urdhër tjetër prej tij. Në pyetjen e gjyqtarit nëse kishte portir në spitalin modular, dëshmitarët treguan se nuk kishte. Ata theksuan se në derën e hyrjes së spitalit modular kishte një urdhër me shkrim që vizitorët ndaloheshin të hynin, por edhe se përballeshin me persona agresivë, të cilët, përkundër kësaj, kërkonin të ishin të pranishëm në dhomat e spitalit.
Dëshmitarët që ndodheshin në spitalin modular si shoqërues i familjarëve të tyre kishin mendime të ndryshme nëse dikush i ndalonte të qëndronin në dhoma. Dëshmitarja Olivera Veselinovska si nënë e një fëmije me nevoja të veçanta tha se ka qenë prezente me dokument dhe se nuk i kanë bërë problem. Dëshmitarja Violeta Petrushevska, bashkëshorti i së cilës ishte pacient, tha se atyre u është ndaluar rreptësisht hyrja. Ajo tregoi se bënte përpjekje që ndonjëherë të hynte në dhomën e spitalit për të ndihmuar të shoqin, i cili ishte në gjendje të rëndë klinike, të ndërronte rrobat e kështu me radhë, pas së cilës ajo dilte nga dhoma e spitalit.
Dëshmitari Imran Shaqiri, bashkëshorti i së cilës ishte i shtruar në spital, tha se ajo ishte vazhdimisht aty gjatë 28 ditëve të shtrimit dhe se brenda kishte disa persona të cilët i shoqëronin të sëmurët tjerë. Dëshmitari Mumin Ismaili tha se bashkë me vëllain e tij kanë qenë gjatë gjithë kohës me radhë pranë nënës së tyre të sëmurë dhe ka theksuar se asnjë nga personeli mjekësor nuk e ka ndaluar të qëndrojë në dhomën e spitalit dhe se në dhomë nuk ka asnjë portir.
Gjykimi do të vazhdojë më 16 shkurt me dëgjimin e më shumë dëshmitarëve, ndërsa gjyqtari Jordan Velkovski njoftoi se do të ftohen edhe ekspertët që e kanë përgatitur ekspertizën. Më pas do të ketë seanca të dëshmitarëve dhe prova me shkrim të mbrojtjes.
Të akuzuarit, drejtorët Fjorin Besimi dhe Artan Etemi, mjeku Boban Vuçevski dhe përfaqësuesi i Spitalit klinik të Tetovës si person juridik, në fillim të gjykimit theksuan se e kuptojnë akuzën, por nuk e pranojnë fajin dhe se nuk e kanë kryer krimet për të cilat akuzohen.
Gjyqi për zjarrin e ndodhur më 8 shtator 2021, ku humbën jetën 14 persona dhe dhjetë u plagosën, filloi më 7 dhjetor 2022, ndërsa u shty disa herë nga shtatori i vitit 2022 e më pas./Telegrafi/
Promo
Reklamo këtuLufta Prigozhin - Putin
Më shumëNga Rubrika
Prokuroria Themelore Kavadar nis procedurën për dyshim të pengimit të zyrtarit
Ngjarje e rëndë në Shkodër, nëna bashkë me tre fëmijët rezultojnë të zhdukur – dyshohet se janë mbytur
Spahoviq: Nuk mund të pritet qeveri proevropiane nga Vuçiqi, idetë e Millosheviqit janë ende të gjalla
Rrahet anketuesi i regjistrimit të popullsisë, policia arreston tre të dyshuarit në Pejë
Zbardhet vrasja e çiftit në Dropull, policia: Autori, bashkëfshatar i tyre
Fruti i pasionit mbillet në Shkodër - Familja Ndoja nga 1 dynym, sot mbjell 15 hektarë
Buleshkaj: Vitin e kaluar jemi njoftuar për një politikan që i ka pasë 5 milionë euro në një bankë në Zvicer
Deputetja Krasniqi: Masat ndaj Kosovës u vendosën për shkak të qeverisë, drejtuesit e saj kanë mbetur të izoluar
Prishtinë, një shtetas i Shqipërisë hyn në dhomën e një hoteli dhe kryen vjedhje
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Laporta shumë nervoz pas humbjes me Gironan – ai bërtiti vetëm me pesë fjalë, humbja mund t'i kushtojë miliona euro Barcelonës
Buleshkaj: Vitin e kaluar jemi njoftuar për një politikan që i ka pasë 5 milionë euro në një bankë në Zvicer
Erjolën e hedhin në mes të natës në pishinë, i ekspozohen pjesët intime
Vinicius ironizon me Araujon: Publikon trofetë e fituar nga gjenerata e re e Real Madridit
Tjetër fitore për Ukrainën: Rusia tërheq nga vijat e frontit dhjetëra aeroplanë luftarak
Këto janë vendet ku TikTok tashmë është i ndaluar – dhe nuk janë pak