Ministri britanez për Evropë, David Lidington ka deklaruar se vendimi i kryetarit Ivanov për të falur personat politik të cilët janë nën hetime është mjaftë shqetësues, transmeton Telegrafi Maqedoni.

Ai i bën thirrje kryetarit Ivanov që të ndryshojë këtë vendim. Më tej, Lidington thotë se vendimi i mbron zyrtarët dhe ministrat e mëhershëm të cilët janë të akuzuar për korrupsion dhe pengon që drejtësia të arrij te qytetarët e Maqedonisë.

Lidington thotë se duhet që të hetohen të gjitha dyshimet që dalin nga përgjimet, prandaj kryetari duhet të gjejë mënyrë për ta ndryshuar këtë vendim.

Ministri britanez shpreson që protestat të jenë të qeta, duke mos lënë anash qëndrimin se zgjedhje duhet të ketë më 5 qershror, megjithatë shpreh shqetësimin për nivelin e ulët të përgatitjes së tyre dhe listës zgjedhore që nuk është pastruar si duhet./Telegrafi/