Dalin pamje të reja që tregojnë veprimin që bëri Salah pas përfundimit të ndeshjes

Pamje të reja kanë treguar atë se çfarë ka bërë Mohamed Salah pas përfundimit të ndeshjes me West Hamin, pas përplasjes së tij të ashpër me Jurgen Kloppin.

Liverpooli mori një tjetër goditje në shpresat e tyre për të fituar titullin e Ligës Premier pas humbjes me rezultat 2-0 ndaj Evertonit, teksa ata lëshuan pikë edhe ndaj West Hamit të shtunën.

Ndeshja përfundoi me rezultat të barabartë 2-2, duke i lënë ata në pozitën e tretë me 75 pikë të grumbulluara, dy më pak se lideri Arsenali.

Por, një përplasje e ashpër verbale mes Salahut dhe Kloppit ishte ajo që pushtoi rrjetet sociale nga ky takim.

Lexo po ashtu Pamje të reja nga përplasja e Salahut me Kloppin tregojnë saktësisht se çfarë ka ndodhur

Pamjet tregojnë se si 31-vjeçari duket se injoron Kloppin dhe më pas jep një duartrokitje të shpejtë për tifozët që udhëtuan për ta përcjellur ndeshjen, para se të merrte udhë drejt tunelit.

Mo Salah blanks Jurgen Klopp full time

Liverpool CIVIL WAR pic.twitter.com/bu6x3WAkbr

— Johan Neeskens (@spy_footy) April 27, 2024

Kjo ka bërë që shumë tifozë të Liverpoolit të reagojnë në rrjetet sociale.

Një tifoz shkroi në platformën X: Mendoj se të dy shmangën njëri-tjetrin këtu. Nuk ka nevojë që të bëhet e madhe. Kjo ndodh në sportet profesionale.

Një tjetër tha: Kjo ndodhë tek çdo klub, duke përfshirë Arsenalin dhe Manchester Cityn.

Një i tretë shtoi: Duket se Kloppi e ka injoruar atë./Telegrafi/