LAJMI I FUNDIT:

Daily Mail: Shqipëria, parajsë për pastrimin e parave – amnistia fiskale do ta kthejë vendin në ‘lavatriçe për paratë e pista’

Daily Mail: Shqipëria, parajsë për pastrimin e parave – amnistia fiskale do ta kthejë vendin në ‘lavatriçe për paratë e pista’

Mediat britanike e komentojnë me shqetësim planin e rikthyer para zgjedhjeve nga qeveria shqiptare për një amnisti fiskale.

Sipas tabloidit Daily Mail, Shqipëria mund të bëhet një “parajsë e pastrimit të parave” për bosët e drogës nëse miratohet ligji që u mundëso të fshehin qindra miliona para kriminale.


Qeveria shqiptare shkruan gazeta, po prezanton një “amnisti fiskale”, duke lejuar këdo që të deklarojë pasuri deri në dy milionë euro pa pasur nevojë të zbulojë origjinën e parave. Këtë zhvillim, tabloidi britanik e lidh me hetimin se kreu kjo media e cila pretendon se baronët e drogës që operonin në Britani kanë pastruar shuma të mëdha në vila luksoze, banesa, toka bujqësore, palestra, bare dhe madje edhe një pikë karburanti në Shqipëri.

Agjencia Kombëtare e Krimit në Britani (NCA), një zyrë e ngjashme me FBI-në amerikane, ka paralajmëruar se sasia e parave kriminale që largohen nga Britania e Madhe është rritur “në mënyrë eksponenciale” gjatë katër ose pesë viteve të fundit, e nxitur nga bandat shqiptare të drogës që dërgojnë para në vendin e tyre.

Daily Mail shkruan se këtë vit më shumë se 13 mijë shqiptarë kanë arritur ilegalisht në Britani të Madhe përmes Kanalit të La Manshit, me varka të vogla.

Artikulli evidenton për ilustrim rastin e një anëtari shqiptar të një bande kokaine që pastronte 10 milionë paund, të cilit së fundi i është konfiskuar një vilë, tri apartamente, dy garazhe dhe 20 hektarë tokë në Shqipëri.

Sipas medias britanike, paratë e pista besohet se kanë nxitur një bum ndërtimesh në Shqipëri.

Vlera e lejeve të ndërtimit Tiranë, sipas vlerësimit të artikullit është rritur nga 112 milionë paund në tremujorin e parë të 2021 në 206 milionë paund në të njëjtën periudhë të këtij viti.

Bandat e krimit të organizuar dyshohet se kanë përdorur një sërë metodash për të transportuar paratë kriminale në Shqipëri, duke përfshirë përdorimin e agjencive të udhëtimit, fshehjen e dhjetëra mijëra paundeve në pjesën e pasme të televizorëve ose mbushjen e rrotave të kamionëve me kartmonedha.

Tabloidi tregon në një rast se një çifti shqiptar që po udhëtonte me një foshnje 9 muajshe iu sekuestruan 100 mijë paund në kroskotin e automjetit tip Audi. Drejtuesi i mjetit u dënua me 4 vjet burg.

Një zyrtar shqiptar citohet ti ketë thënë medias britanike se shumë shqiptarë largohen nga vendi pasi nuk kanë asgjë, dhe pasi shkojnë në Angli kthehen pesë vjet më vonë duke ngarë makina luksoze dhe duke blerë vila. /Ora News/

Në trend Lajme

Më shumë
Buleshkaj: Vitin e kaluar jemi njoftuar për një politikan që i ka pasë 5 milionë euro në një bankë në Zvicer

Buleshkaj: Vitin e kaluar jemi njoftuar për një politikan që i ka pasë 5 milionë euro në një bankë në Zvicer

Lajme
“E çela vrimën në mur, i preva tre palë tela dhe ika arave deri në Lipjan”- Arratisja e Faton Hajrizit nga Bondsteel-i dhe Burgu i Pejës

“E çela vrimën në mur, i preva tre palë tela dhe ika arave deri në Lipjan”- Arratisja e Faton Hajrizit nga Bondsteel-i dhe Burgu i Pejës

Siguri
Server: Qeveria e re e Serbisë me bashkëpunëtorë të sulmit terrorist të Banjskës

Server: Qeveria e re e Serbisë me bashkëpunëtorë të sulmit terrorist të Banjskës

Lajme
Knaus

Knaus "godet" sërish: Kushtëzimi i anëtarësimit të Kosovës në KiE me krijimin e Asociacionit pamundëson realizimin e të dyjave

Lajme
Fruti i pasionit mbillet në Shkodër - Familja Ndoja nga 1 dynym, sot mbjell 15 hektarë

Fruti i pasionit mbillet në Shkodër - Familja Ndoja nga 1 dynym, sot mbjell 15 hektarë

Lajme
Konjufca i zhgënjyer me BE-në: Me padurim doni të punoni me qeverinë serbe pro-ruse, e neve nuk na hiqni masat

Konjufca i zhgënjyer me BE-në: Me padurim doni të punoni me qeverinë serbe pro-ruse, e neve nuk na hiqni masat

Lajme
Kalo në kategori