LAJMI I FUNDIT:

Cvijanoviq: Qëndrimi i Bosnjës e Hercegovinës për anëtarësimin e Kosovës në Këshillin e Evropës duhet të jetë neutral

Cvijanoviq: Qëndrimi i Bosnjës e Hercegovinës për anëtarësimin e Kosovës në Këshillin e Evropës duhet të jetë neutral

Anëtarja serbe e Presidencës së Bosnjë-Hercegovinës (BeH) Zheljka Cvijanoviq deklaroi sot se qëndrimi i Bosnjë-Hercegovinës në Këshillin e Evropës për çështjen e anëtarësimit të Kosovës duhet të jetë neutral.

“Bosnja e Hercegovina nuk e njohu Kosovën e vetëshpallur dhe nuk duhet të mbështesë anëtarësimin në organizatat ndërkombëtare”, u tha Cvijanoviq gazetarëve në Sarajevën Lindore, pas seancës së Presidencës së BeH ku u diskutua qëndrimi i BeH për këtë çështje.


Duke qenë se Presidenca e Bosnje-Hercegovinës nuk arriti konsensus për qëndrimin lidhur me këtë çështje në seancën e sotme, ministri i Jashtëm i Bosnjë-Hercegovinës, Elmedin Konakoviq, duhet të jetë neutral gjatë votimit në Komitetin e Ministrave të Këshillit të Evropës më 16 maj, shtoi ajo, transmeton Telegrafi.

Siç shkruan “Danas“, Cvijanoviq deklaroi se ka votuar kundër konkluzionit, i cili rekomandon anëtarësimin e Kosovës në KiE, ndërsa anëtari boshnjak Denis Beqiroviq ka votuar për të, ndërsa anëtari kroat Zheljko Komshiq ka abstenuar.

“Duke pasur parasysh votimet e ndryshme në Presidencën e Bosnje-Hercegovinës, ministri nuk mund të përcaktojë vetë pozicionet. Kur kemi një votë shumëngjyrëshe, nuk mund të ketë qëndrim tjetër përveç neutralit”, theksoi ajo.

Cvijanoviq vlerësoi se dallimet e tilla në qëndrime, të shfaqura gjatë votimit, tregojnë se Bosnja dhe Hercegovina është në një situatë mjaft problematike.

Ajo përkujtoi edhe veprimin arbitrar të ambasadorit, pavarësisht nga qëndrimet e Presidencës së BeH.

“Një anëtar i Kryesisë nuk mund ta udhëzojë ambasadorin se si të veprojë”, tha Cvijanoviq.

Ajo shtoi se ka paraqitur një kallëzim penal në Prokurorinë e BeH kundër ambasadorit të BeH në Kombet e Bashkuara, Zlatko Lagumxhija, i cili inicioi Rezolutën për Srebrenicën në OKB, duke shtuar se ky është hapi i parë dhe se nisma për largimin e tij do të jetë hapi i dytë, me qëllimin e sanksionimit të “veprimit të papranueshëm, të paligjshëm dhe të njëanshëm” të Lagumxhisë. /Telegrafi/

Në trend Lajme

Më shumë
Ndryshimet në skemën sociale, familjet në nevojë që kanë fëmijë mbi pesë vjeç mund të aplikojnë sërish për ndihmë financiare

Ndryshimet në skemën sociale, familjet në nevojë që kanë fëmijë mbi pesë vjeç mund të aplikojnë sërish për ndihmë financiare

Lajme
Vërshohet Podujeva pas reshjeve të shiut, Bulliqi akuzohet për keqqeverisje

Vërshohet Podujeva pas reshjeve të shiut, Bulliqi akuzohet për keqqeverisje

Lajme
Berisha “non grata” në Britani - brenda katër javësh gjykata shpall vendimin

Berisha “non grata” në Britani - brenda katër javësh gjykata shpall vendimin

Lajme
“LDK refuzon farsën e darkave” - Abdixhiku thotë se PDK u instrumentalizua nga pushteti, kërkon dorëheqjen e Qeverisë Kurti

“LDK refuzon farsën e darkave” - Abdixhiku thotë se PDK u instrumentalizua nga pushteti, kërkon dorëheqjen e Qeverisë Kurti

Lajme
KFOR-i mohoi se ishte përfshirë në largimin e terrositëve nga Banjska - Grupi Ndërkombëtar i Krizave ndryshon raportin

KFOR-i mohoi se ishte përfshirë në largimin e terrositëve nga Banjska - Grupi Ndërkombëtar i Krizave ndryshon raportin

Lajme
Mashtrimet e mundshme ndaj pensionistëve, Policia dhe Prokuroria nisin hetimet

Mashtrimet e mundshme ndaj pensionistëve, Policia dhe Prokuroria nisin hetimet

Lajme
Kalo në kategori