Blaise Matuidi është njëri nga lojtarët që pritet të largohet nga Juventusi gjatë afatit kalimtar veror.
Mesfushori francez nuk bënë pjesë në planet e trajnerit të ri Maurizio Sarri dhe i është dhënë drita e gjelbër për tu larguar.
Ylli i Zonjës së Vjetër mund të mbetet së paku edhe për një vit tjetër në Serie A, por duke ndërruar skuadër.
Inter është skuadra që ka shprehur interesim për transferimin e Matuidit.
Trajneri Antonio Conte e vlerëson lartë francezin dhe ka kërkuar nga drejtuesit e klubit transferimin e tij në Meazza.
Inter synon huazimin e lojtarit me të drejtë blerje pas një viti.
Kujtojmë që interesim për 32-vjeçarin kanë shprehur edhe skuadrat franceze si PSG, Monaco dhe Olympique Marseille. /Telegrafi/
