Në zbulimin e pllakës në bulevardin “Bill Clinton”, ish presidenti amerikan ka kujtuar disa momente kur kishte ardhur gruaja e tij në Kosovë sa ishte sekretare e shtetit të Amerikës.

Ai ka thënë se, pasi ajo kishte parë statujën e tij, ishte tallur me presidentin Clinton, duke i thënë se ‘kishte një statujë të madhe”.

“Kur gruaja ime ishte sekretare e shtetit dhe kur erdhi në Kosovë, ajo po tallej me mua sepse unë kisha një statujë kaq të madhe. Unë vijë nga një vend i vogël me një kulturë rurale, ku njerëzit nuk kanë dëshirë të mendojnë se janë të rëndësishëm, dhe nuk duhet të sillen si të rëndësishëm”

“E nëse sillen ashtu atëherë njerëzit tjerë intervenojnë që t’i ulin në tokë. Dhe kur ka ardhur këtu zonja Clinton, ajo bëri një fotografi pranë statujës, dhe po bënte me gisht sikurse kush është ky njeri prapa meje. Dhe, unë do ta përfundoj këtu duke e bërë një fotografi dhe duke ia dërguar asaj”, ka thënë Clinton.

Ndryshe ish presidenti Bill Clinton ka thënë se zbulimi i pllakës është një dhuratë shumë e çmuar për të.

Emocionohet ish-presidenti Bill Clinton gjatë ceremonisë për 20 vjetorin e hyrjes së NATO-s në Kosovë Emocionohet ish-presidenti Bill Clinton gjatë ceremonisë për 20 vjetorin e hyrjes së NATO-s në Kosovë

“Faleminderit për këtë pllakë që e keni vendosur këtu, sepse dëshiroj që çdo qytetarë i Kosovës ta dijë se kjo do të thotë shumë për mua. Dhe jo vetëm për atë që kam bërë për fëmijët e tyre për vetën por për atë që kam bërë për tërë Evropën. Mund ta shfrytëzoj këtë rast,  nëse njerëzit janë të lirë gjithandej për të ndërruar jetët e tyre në mënyrën më të mirë që munden”.

Zbulohet pllaka në bulevardin “Bill Clinton”: Kjo është dhuratë shumë e çmuar për mua Zbulohet pllaka në bulevardin “Bill Clinton”: Kjo është dhuratë shumë e çmuar për mua

“Jo të brengosen se ku janë lindur, se çfarë përkatësie etnike kanë, nëse janë gra ose burra, çfarëdo ndasie mes qenieve njerzore do të injorohet përderisa jeni njerëz të mirë. Nëse i bindeni ligjit nëse punoni shumë, dhe të mundet përmes dashurisë urrejtja. Kjo është porosia për Kosovën”, ka thënë ai.

Fjalimin e Clintonit para shtatores së tij mund ta shikoni në videon e më poshtme nga minuta e 35-të. /Telegrafi/