Alban Hoxha e ka festuar 30-vjetorin e lindjes, një përvjetor që e ka kaluar mes miqve të mirë.

Në festë sigurisht që nuk mund të mungonte as partnerja e tij, Çiljeta Xhilaga, e cila kishte veshur për këtë rast një fustan të gjatë.

(Foto: Panorama Plus)

Lajmi i lidhjes së portierit të Partizanit me këngëtaren u bë i ditur pak më shumë se një vit më parë në media. Vet këngëtarja është shprehur pa emër se ndihet e dashuruar me partnerin e saj.

Më në fund, sipas Panorama Plus, ata kanë dalë hapur si çift, një vit pasi u fotografuan në një kafe në periferi të Tiranës.

Ndërkaq, dy të dashuruarit thuhet se janë parë në një bar pranë zonës së Liqenit Artificial, ku Çiljeta banon qe tre vjet.

(Foto: Panorama Plus)

Gjatë kohës sa kanë qëndruar në këtë ambient publik, thuhet se ata kanë shkëmbyer puthje e ledhatime në kafe.

Portieri i Partizanit dhe këngëtarja janë të dy prindër të vetëm të djemve të tyre.

Çiljeta mori kujdestarinë e djalit pas ndarjes nga partneri, ndërsa Albani po rrit vetë fëmijën pasi bashkëshortja humbi jetën tragjikisht pasi solli në jetë fëmijën.