LAJMI I FUNDIT:

Cilat janë teoritë më të fundit konspirative të krijuara nga Inteligjenca Artificiale

Cilat janë teoritë më të fundit konspirative të krijuara nga Inteligjenca Artificiale

Përdoruesit e TikTok po përhapin teori konspirative të çuditshme për fundin e botës.

Nga përbindëshat dhe vampirët tek asteroidët vrasës, përdoruesit e TikTok po përhapin teori konspirative të çuditshme për fundin e botës, paralajmërojnë studiuesit, në një tjetër trend të keqinformimit në një platformë.

Organizata jofitimprurëse “Media Matters” paralajmëroi në një raport për një prirje të re në të cilën përdoruesit e TikTok kërkojnë të fitojnë para nga videot virale me pretendime të pabaza se qeveria amerikane po kap ose mban fshehurazi monstra mitologjike si King Kong.


Është ilustrimi i fundit i dezinformatave që qarkullojnë në platformë, një çështje që ka munguar kryesisht në debatin e fundit politik mbi ndalimin e sigurisë kombëtare të TikTok në SHBA.

@gothmarquis9 The United States’ Hidden Treasure: King Kong in Action #kingkong #footage #usa_tiktok #secret #facts #foryou #shocking #breakingnews ♬ nhạc nền – gothmarquis9

Videot, shumë prej të cilave kanë miliona shikime dhe shpesh shoqërohen me muzikë drithëruese në sfond, shfaqin zëra të gjeneruar nga inteligjenca artificiale (AI) dhe ndonjëherë personalitete të rreme.

“Ne të gjithë ndoshta do të vdesim në vitet e ardhshme. A keni dëgjuar për këtë?”, thotë një zë që imiton podkasterin Joe Rogan në një video virale, në të cilën zëri vazhdon të paralajmërojë për një asteroid që do ta godas Tokën dhe tregon një zyrtari qeveritar, i cili rastësisht hasi në një hartë të quajtur “mbaj sekret nga publiku”.

Abby Richards, studiuese e dezinformimit në TikTok, tha se përhapja e teorive konspirative mund të jetë financiarisht e dobishme përmes Programit Kreativ të TikTok.

“Përmbajtjet inkurajuese financiarisht që janë shumë tërheqëse dhe të lira për t’u prodhuar krijon një mjedis që teoritë e konspiracionit të lulëzojnë”, shkroi Richards në një raport të Media Matters.

Një zëdhënëse e TikTok këmbënguli se “teoritë e konspiracionit nuk janë të përshtatshme për fitim parash, as nuk janë të përshtatshme për rekomandime” në burimet e përdoruesve.

“Dezinformimi i dëmshëm është i ndaluar dhe ekipet tona të sigurisë heqin në mënyrë proaktive 95 për qind të tij përpara se të raportohet”, tha një zëdhënëse për AFP. /Telegrafi/

Në trend Teknologji

Më shumë
Kompania izraelite e sigurisë kibernetike Wiz “refuzon ofertën” prej 23 miliardë dollarësh të Google

Kompania izraelite e sigurisë kibernetike Wiz “refuzon ofertën” prej 23 miliardë dollarësh të Google

Teknologji
Wisk në pronësi të Boeing pret që taksia e saj ajrore pa pilot të transportojë pasagjerë 'më vonë gjatë dekadës'

Wisk në pronësi të Boeing pret që taksia e saj ajrore pa pilot të transportojë pasagjerë 'më vonë gjatë dekadës'

Teknologji
Musk: Prodhimi masiv i robotëve humanoidë fillon në Tesla

Musk: Prodhimi masiv i robotëve humanoidë fillon në Tesla

Teknologji
WhatsApp së shpejti do t'ua mundësojë të flisni me njerëz të tjerë në gjuhë të ndryshme, falë funksionit Live Translate

WhatsApp së shpejti do t'ua mundësojë të flisni me njerëz të tjerë në gjuhë të ndryshme, falë funksionit Live Translate

Teknologji

"Luftë" mes Inteligjencës Artificiale dhe matematikës

Teknologji
Microsoft thuhet se po detyron punonjësit e saj në Kinë të ndalojnë përdorimin e telefonave Android për punë

Microsoft thuhet se po detyron punonjësit e saj në Kinë të ndalojnë përdorimin e telefonave Android për punë

Teknologji
Kalo në kategori