CIA kishte paralajmëruar Berlinin javë më parë për sulme të mundshme mbi gazsjellësin Nord Stream

Revista gjermane Der Spiegel, ka raportuar se javë më parë CIA amerikane kishte paralajmëruar Gjermaninë për mundësinë e sulmeve mbi gazsjellësit Nord Stream 1 dhe 2.

Spiegel duke u thirrur në burime të paemëruara, ka shtuar se qeveria gjermane konsideron se bëhet fjalë për sulme të caktuara, transmeton Telegrafi.

Zëdhënësi i qeverisë gjermane ka refuzuar të komentoj për Spiegel pretendimet për këto paralajmërime.

Rrjeti Kombëtar Sizmik suedez, ka informuar opinionin për një shpërthim të regjistruar, në vendet ku ka pasur rrjedhje gazi në Detin Baltik nga gazsjellësit Nord Stream 1 dhe 2.

Operatori i rrjetit të gazit Nord Stream AG, ka njoftuar se tre sisteme të gazsjellësit Nord Strem kanë pësuar dëme të papara brenda një dite, duke theksuar se është e pamundur të thuhet tani nëse gazsjellësit mund të futen sërish në përdorim.

Nord Stream 1 është gazsjellësi që Gjermania refuzoi të marrë shumicën e gazit nga Rusia, derisa gazsjellësi Nord Stream është ndërtuar dhe kurrë nuk kishte arritur të sigurojë lejen për përdorim. /Telegrafi/