Chelsea i sheh dy top trajnerët si të vetmit që mund ta pasojnë Pochettinon për sezonin e ri

Chelsea ka identifikuar dy trajnerë për të zëvendësuar Mauricio Pochettino nëse argjentinasi shkarkohet në fund të sezonit.

Ish-trajneri i Tottenhamit është nën presion të madh pas një sezoni të parë të dëshpëruar në krye të Stamford Bridge.

Pavarësisht se ka shpenzuar 1 miliard euro që nga ardhja e pronarit Todd Boehly më pak se dy vjet më parë, Chelsea ka treguar shumë pak përparim nën Pochettinon, pasi ata ngecin në vendin e 11-të në tabelën e Ligës Premier.

Lexo po ashtu A dëshiron Tuchel të kthehet te Chelsea?

Ata gjithashtu morën kritika për humbjen e finales së Kupës Carabao nga një skuadër e re dhe e papërvojë e Liverpoolit.

Dhe vetëm një fitore nga pesë ndeshjet e tyre të fundit në ligë ka bërë që emrat të përmenden si pasardhësi i mundshëm i Pochettinos.

Sipas The Guardian, një person në listën e Chelseat është trajneri i Sporting Lisbonës, Ruben Amorim.

Lexo po ashtu Chelsea mbetet e vetme në garë për top yllin

Trajneri 39 vjeçar fitoi ligën portugeze në vitin 2021 dhe është në rrugën e duhur për të fituar titullin e dytë këtë sezon pasi Sporting qëndron një pikë përpara në krye të tabelës me një lojë më pak.

Por, Chelsea përballet me konkurrencën nga Liverpooli, i cili po e konsideron Amorimin si njeriun që do të zë vendin e Jurgen Kloppit të dorëhequr.

Karriera e tij gjashtëvjeçare menaxheriale e ka parë atë si trajner në Portugali me Casa Pia AC, Braga B, Braga dhe Sporting.

Lexo po ashtu John Obi Mikel thotë se top lojtari po transferohet te Chelsea

Dhe ai krenohet me një përqindje të bujshme fitoresh 70.87, dukshëm më e lartë se Pochettinos dhe njeriu tjetër në listën e ngushtë të Chelseat është strategu i Brightonit, Roberto De Zerbi.

Chelsea e kishte emëruar tashmë një trajner të Brightonit në vitin 2022, kur ata sollën Graham Potter, vetëm për t’u shkarkuar shtatë muaj më vonë.

Blutë kanë nënshkruar gjithashtu disa yje të Pulëbardhave në vitet e fundit duke përfshirë Marc Cucurella, Moises Caicedo dhe Roberto Sanchez.

Lexo po ashtu Kishte përballë edhe lojtarë si Messi dhe Ronaldo – por Kimmich zgjodhi ish-dështakun e Chelseat si kundërshtarin më të vështirë

Dhe ndërsa shumë prej tyre kanë luftuar ose kanë dështuar të kenë sukses në Londrën Perëndimore, kjo nuk po i pengon ata të konsiderojnë edhe një trajner tjetër të Brightonit, De Zerbin.

Ndërsa trofeu i vetëm i madh i ish-trajnerit të Shakhtar Donetsk ishte Superkupa e Ukrainës, ai ka arritur gjëra të mëdha Angli.

Pasi mori drejtimin nga Potter në shtator 2022, ai e udhëhoqi Brighton në vendin e gjashtë sezonin e kaluar.

Lexo po ashtu Njëri prej top yjeve është shndërruar në një makth për Chelsean - as Pochettino nuk e di çfarë të bëjë

Kjo i kualifikoi ata për në Ligën e Evropës dhe ata rezervuan vendin e tyre në 16 të fundit duke fituar grupin e tyre.

Brightoni në këtë fazë do të luajë kundër gjigantëve italianë, Roma. /Telegrafi/