Chelsea kërkon blerës për disa lojtarë për të financuar blerjen e madhe të yllit të Anglisë

Chelsea po kërkon në mënyrë aktive blerës për disa nga lojtarët e saj për të mbledhur fonde për blerjen e mbrojtësit të Crystal Palace, Marc Guehi.

Blutë po konsiderojnë ri-nënshkrimin e Guehi, i cili u shit te Palace për 20 milionë funte në vitin 2021, pas lëndimeve të Wesley Fofana dhe Benoit Badiashile.

Megjithatë, transferimi apo rikthimi i Guehit pritet të jetë sa i shtrenjtë po aq edhe i komplikuar për Blutë.

Sipas The Telegraph, Chelsea mund të ketë nevojë të largojë katër lojtarë për mbledhjen e fondeve për blerjen e Guehit.

Guehi is one of a number of defenders Chelsea are considering and it is believed the club have made checks on Palace’s valuation.

✍️@Matt_Law_DT#TelegraphFootball I #ChelseaFChttps://t.co/YAuqtuLTIB

— Telegraph Football (@TeleFootball) January 7, 2025

I pari në listë është Kiernan Dewsbury-Hall, i cili u bashkua nga Leicester City verën e kaluar për 30 milionë funte dhe tani është në radarin e West Ham.

Carney Chukwuemeka, me një klauzolë lirimi prej 40 milionë funte në kontratën e tij, Axel Disasi, i cili nuk i përshtatet stilit të lojës së trajnerit Enzo Maresca dhe Cesare Casadei, i cili ka tërhequr interes nga klube në Holandë, Francë dhe Itali, janë gjithashtu kandidatë potencialë.

Chelsea gjithashtu mund të konsiderojë përdorimin e Trevoh Chalobah, aktualisht i huazuar në Palace, si një mjet shkëmbimi. Përndryshe, ata mund ta mbyllin huazimin e tij herët për të mbushur boshllëkun mbrojtës në vend që të ndjekin një marrëveshje për Guehi. /Telegrafi/