Chelsea ka gati 200 milionë funte për transferimin e tre yjeve nga Serie A

Chelsea pritet të shpenzojë 200 milionë funte në afatin kalimtar veror për transferimin e tre futbollistëve nga Serie A.

Gjiganti londinez synon ta ndërtojë një skuadër të fortë edicionin e ardhshëm, ku synimi është të luftojnë për titullin e kampionit.

Objektivi kryesor i Chelseat është transferimi i sulmuesit argjentinas të Interit, Lautaro Martinez, por që kanë konkurrentë të fortë Barcelonën.

Chelsea është gati ta paguajë klauzolën e lojtarit prej 111 milionë euro dhe kanë përgatitur një kontratë pesë vjeçare me pagë vjetore prej 16 milionë funteve në stinor.

Lojtari dëshiron vetëm Barcelonën, por problemi është se katalunasit nuk kanë para kesh për ta paguar klauzolën e tij dhe kjo i jep përparësi Chelseat.

Londinezët do të investojnë edhe në portë, pasi do ta shesin Kepan për ta transferuar italianin e Milanit, Gianluiggi Donnarumma.

Mediat angleze kanë raportuar se Chelsea është gati të shpenzojë 50 milionë për afrimin e portierit italian.

E synimi i tretë i skuadrës së Frank Lampard është mesfushori boshnjak i Juventusit, Miralem Pjanic.

Për afrimin e Pjanic në Londër, Chelsea është gati të shpenzojë 65 milionë euro shumë që do ta kënaqte Zonjën e Vjetër.

Gjithsesi Juventus i ka propozuar Chelseat edhe shkëmbimin mes Pjanic dhe Jorginhos gjë që shumë lehtë mund të ndodh. /Telegrafi/