Chelsea fiton derbin ndaj Tottenhamit, rikthen pozitën e parë në Ligën Premier (Video)

Chelsea ka shënuar edhe fitoren e shtatë radhazi në Ligën Premier.

Skuadra e drejtuar nga Antonio Conte ka arritur të mposht me rikthim Tottenhamin, pasi nga 0-1 në fund ‘Blutë’ triumfuan me rezultat 2-1.

Pjesa e parë e takimit ishte e barabartë, me dy skuadrat që sulmuan disa herë për të gjetur rrugën e golit.

Të parët që shënuan ishin mysafirët, të cilët kaluan në epërsi në minutën e 11-të me anë të danezit, Christian Eriksen, i cili shënoi një supergol nga 20 metra, pas topit të marrë nga Dele Alli.

Pas këtij goli, skuadra e Tottenham morën zemër dhe shpeshtuan sulmet, por nuk arritën të dyfishojnë epërsinë, pasi pranuan gol në fund të pjesës së parë nga Pedro Rodriguez.

Sulmuesi spanjoll shënoi gjithashtu një gol të bukur nga distanca në minutën e 45-të për të barazuar rezultatin dhe për t’i quar skuadrat në pushimin mes dy pjesëve me rezultatin 1-1.

Pjesa e dytë foli në të mirë të Chelseat, pasi futbollistët kishin marrë me përpikmëri këshillat nga trajneri Antonio Conte.

Pas vetëm gjashtë minutave lojë, Victor Moses u përkujdes ta kaloj skuadrën e tij në epërsi, pasi dërgoi topin në rrjetë, pas asistimit të Diego Costas, i cili bëri më shumë se gjysmën e punës.

Në vazhdim të ndeshjes, të dy skuadrat patën disa gjysmë-raste për të shënuar gol, por pa arritur të ndryshojnë shifrat dhe kështu ndeshja përfundoi me fitoren e Chelseat me rezultat 2-1, duke e rikthyer përsëri pozitën e parë në tabelë.

Në javën tjetër, Chelsea udhëtojnë për tu ndeshur me Manchester City, ndërsa Tottenham e pret Swansean në shtëpi./Telegrafi/

https://twitter.com/chelslatest/status/802568282515587072

What a strike from Pedro, that turn & curl on the ball brilliant goal ⚽ ! #CHETOT https://t.co/CgMj2u2Y6F

— Ali (@RoyMustang786) November 26, 2016