Real Madrid ka qenë shumë aktiv në afatin kalimtar gjatë kësaj vere, dhe kjo do të vazhdojë edhe pasi të përfundojnë angazhimet e tyre në Kupën e Botës për Klube. Pritet që Alvaro Carreras t’i bashkohet emrave si Dean Huijsen, Trent Alexander-Arnold dhe Franco Mastantuono në skuadrën e Xabi Alonsos, por do të ketë edhe largime lojtarësh. Luka Modric dhe Lucas Vazquez do të largohen pas skadimit të kontratave të tyre në fund të Kupës së Botës për Klube dhe atyre mund t’i bashkohet edhe Rodrygo, i cili është lidhur fort me një kalim te Arsenali. Një tjetër lojtar i skuadrës së parë që mund të largohet nga Real Madrid në javët e ardhshme është Gonzalo Garcia.
Gonzalo ka qenë një surprizë për Real Madrid në Shtetet e Bashkuara, duke shënuar në tre nga katër ndeshjet e skuadrës deri tani. Kjo ka bërë që klube të ndryshme të shfaqin interes për ta transferuar dhe sipas gazetës katalanase Sport, një prej tyre është Chelsea. Chelsea në vitet e fundit ka synuar të blejë lojtarë të rinj, dhe Gonzalo është një prej talentëve spanjollë që ata po ndjekin me vëmendje.
